تۈركىيە ئارمىيەسى تېررورچىلارغا ھاۋادىن زەربە بەردى
تۈركىيە ئارمىيەسى تۈنۈگۈن ئىراقنىڭ شىمالىدىكى زاپ رايونىدا ھاۋادىن زەربە بېرىش ھەرىكىتى ئېلىپ بېرىپ، تېررورلۇق تەشكىلاتىنىڭ قورال ئىستىھكامى، پاناھلىنىش ئورنى، قورال ۋە ئوق – دورا ئىسكىلاتلىرىنى يوقىتىپ تاشلىدى.
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى باش قوماندانلىق ئىشتابى بايانات بېرىپ، تۈركىيە ئارمىيەسىنىڭ بۆلگۈنچى تېررورلۇق تەشكىلاتى پ ك ك ئەزالىرىنىڭ ئىراقنىڭ شىمالىدىكى لاگېرلىرىغا زەربە بېرىشنى داۋاملاشتۇرۇۋاتقانلىقىنى ئۇقتۇردى.
تۈركىيە ھاۋا ئارمىيەسى ئۇرۇش ئايروپىلانلىرى تۈنۈگۈن شىمالىي ئىراقنىڭ زاپ رايونىدىكى پ ك ك لاگېرلىرىغا ھاۋادىن زەربە بەردى؛ ھەرىكەت ئارقىلىق ھۇجۇمغا ئۆتۈشكە تەييارلىنىۋاتقانلىقى ئېنىقلانغان تېررورچىلارنىڭ قورال ئىستىھكامى، پاناھلىنىش ئورنى، قورال ۋە ئوق – دورا ئىسكىلاتلىرى ئۇتۇقلۇق يوقىتىپ تاشلىغان ئۇرۇش ئايروپىلانلىرى، بازىلىرىغا ساق – سالامەت قايتىپ كەلدى.
بۇ جەرياندا ئىچكى ئىشلار مىنىستىرلىقى، يېقىنقى بىر ھەپتە ئىچىدە دۆلەت مىقياسىدا ئېلىپ بېرىلغان زەربە بېرىش ھەرىكەتلىرىدە 49 ى ئۆلۈك بولۇپ، جەمئىي 68 تېررورچىنىڭ بىر تەرەپ قىلىنغانلىقىنى ئۇقتۇردى.
مۇناسىۋەتلىك خەۋەرلەر
ئەردوغان پاشىنيان بىلەن تېلېفونلاشتى
جۇمھۇر رەئىس رەجەپ تاييىپ ئەردوغان ئەرمېنىيە باش مىنىستىرى نىكول پاشىنيان بىلەن تېلېفونلاشتى.
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.
