تۈركىيە ئارمىيەسى شىمالىي ئىراقتا تېررورچىلارغا زەربە بەردى

تۈركىيە ئاۋازى رادىيوسى خەۋىرى: تۈركىيە ئارمىيەسى، تېررورلۇق تەشكىلاتىنىڭ ئىراقنىڭ شىمالىغا جايلاشقان زاپ، سىنات – ھافتانىن رايونلىرىدىكى ئۇۋىلىرىغا ھاۋادىن زەربە بېرىش ھەرىكىتى ئېلىپ بېرىپ، 10 تېرروچىنى بىر تەرەپ قىلدى.

تۈركىيە جۇمھۇرىيىتى باش قوماندانلىق ئىشتابى بايانات بېرىپ، ئىراقنىڭ شىمالىدىكى زاپ بىلەن سىنات – ھافتانىن رايونلىرىدا ھۇجۇم قىلىشقا تەييارلىنىۋاتقان تېررورچىلارنىڭ بارلىقى ئېنىقلانغاندىن كېيىن، ھاۋا ئارمىيەسى قوماندانلىقىنىڭ دەرھال ھەرىكەتكە ئۆتۈپ، زاپ رايونىدا 2، سىنات – ھافتانىن تاغلىق رايونىدا 8 تېررورچىنى بىر تەرەپ قىلغانلىقىنى ئۇقتۇردى.

ھەرىكەت جەريانىدا، 3 قورال ئىستىھكامى بىلەن 4 پاناھلىنىش ئورنى يوقىتىپ تاشلاندى.