تۈركىيە ئافغانىستاندىكى ھۇجۇمنى قاتتىق ئەيىبلىدى

تۈركىيە ئاۋازى رادىيوسى خەۋىرى: تۈركىيە ئافغانىستاندىكى ھەربىي بازىغا قىلىنغان ھۇجۇمنى ئەيىبلىدى.

تۈركىيە تاشقى ئىشلار مىنىستىرلىقى تەرىپىدىن ئېلان قىلىنغان يازما باياناتتا: «تېررورلۇق ھۇجۇمى سەۋەبىدىن دەسلەپكى مەلۇماتلارغا كۆرە، 140 ئەسكەرنىڭ شېھىت بولغانلىقى ۋە نۇرغۇن ئەسكەرنىڭ يارىدار بولغانلىقىدىن ئىنتايىن ئازابلانغان ھالدا خەۋەر تاپتۇق» دېيىلدى.

باياناتتا يەنە، تۈركىيەنىڭ بۇ خائىنلارچە تېررورلۇق ھۇجۇمىنى ئەڭ قاتتىق ئەيىبلەيدىغانلىقى ۋە تېررورلۇققا قارشى كۈرەشتە ئافغانىستان بىلەن ھەمكارلىشىشنى داۋاملاشتۇرىدىغانلىقىمۇ تەكىتلەندى.