تۈركىيە تېررورلۇققا ئېغىر زەربە بېرىشنى داۋاملاشتۇرماقتا

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى ئىچكى ئىشلار مىنىستىرلىقى بايانات بېرىپ، خەۋپسىزلىك كۈچلىرىنىڭ يېقىنقى بىر ھەپتە ئىچىدە PKK تېررورلۇق تەشكىلاتىغا قارشى 235 ئايرىم زەربە بېرىش ھەرىكىتى ئېلىپ بارغانلىقىنى، بۇ جەرياندا 9 تېررورچىنىڭ ئۇجۇقتۇرۇلغانلىقىنى ئۇقتۇردى.

مەزكۇر زەربە بېرىش ھەرىكەتلىرى جەريانىدا تېررورلۇق تەشكىلاتىغا ياردەم قىلغانلىقى، ھەمنەپەس بولغانلىقى ئىلگىرى سۈرۈلۈپ نازارەت ئاستىغا ئېلىنغان 344 كىشىدىن 36 سى تۇتقۇن قىلىندى.

زەربە بېرىش ھەرىكەتلىرى جەريانىدا تېررورچىلار تەرىپىدىن ئىشلىتىلىۋاتقان ئۆڭكۈرلەر ۋەيران قىلىندى، كۆپ مىقداردا پارتلاتقۇچ ماددا ۋە ئوق – دورا قولغا چۈشۈرۈلدى.