تۈركىيە ئارمىيەسى دائېشقا ئۈزلۈكسىز زەربە بەرمەكتە
سۈرىيەنىڭ شىمالىنى تېررورچىلاردىن خالىيلاشتۇرۇش مەقسىتىدە 24 – ئاۋغۇستتا تۈركىيە ئارمىيەسىنىڭ يېتەكچىلىكىدە باشلىغان فىرات قالقىنى ھەرىكىتى غەلىبىلىك داۋام قىلماقتا.
تۈركىيە ئاۋازى رادىيوسى خەۋىرى: سۈرىيەنىڭ شىمالىنى تېررورچىلاردىن خالىيلاشتۇرۇش مەقسىتىدە 24 – ئاۋغۇستتا تۈركىيە ئارمىيەسىنىڭ يېتەكچىلىكىدە باشلىغان فىرات قالقىنى ھەرىكىتى دائىرىسىدە دائېش ئەزاسى 6 تېررورچى ئۇجۇقتۇرۇلدى.
تۈركىيە ئارمىيەسى بۇ ھەقتە بايانات بېرىپ، قۇرۇقلۇق ۋە ھاۋادىن قاتتىق ئوققا تۇتۇش ئارقىلىق قوللاپ – قۇۋۋەتلىنىۋاتقان ئەلبابنى قولغا كىرگۈزۈش يولىدىكى پىلانلىق ھەرىكەتنىڭ داۋاملىشىۋاتقانلىقىنى، ھەرىكەتنىڭ 134 – كۈنىدە دائېشنىڭ 104 نىشانىنىڭ توپقا تۇتۇلغانلىقىنى، كۆپلىگەن جايلىرىنىڭ پايدىلانغىلى بولمايدىغان ھالەتكە كەلتۈرۈلگەنلىكىنى، توقۇنۇش ۋە ئوققا تۇتۇش ھەرىكەتلىرى نەتىجىسىدە 6 تېررورچىنىڭ ئۇجۇقتۇرۇلغانلىقىنى ئۇقتۇردى.
باش قوماندانلىق ئىشتابى، توقۇنۇشلاردا پۇقرالارنىڭ زىيانغا ئۇچراپ كەتمەسلىكى ئۈچۈن، ھەر تۈرلۈك چارە – تەدبىرلەرنىڭ يولغا قويۇلغانلىقىنى ئالاھىدە تەكىتلىدى.
مۇناسىۋەتلىك خەۋەرلەر
ئەردوغان پاشىنيان بىلەن تېلېفونلاشتى
جۇمھۇر رەئىس رەجەپ تاييىپ ئەردوغان ئەرمېنىيە باش مىنىستىرى نىكول پاشىنيان بىلەن تېلېفونلاشتى.
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.