تۈركىيە ئارمىيەسى سۈرىيەدە يوقاپ كەتكەن ئەسكەرلەرنى ئىزدەشنى داۋاملاشتۇرماقتا

تۈركىيە ئاۋازى رادىيوسى خەۋىرى: تۈركىيە ئارمىيەسىنىڭ يوقاپ كەتكەن ئەسكەرلەرنى ئىزدەش خىزمەتلىرى داۋام قىلماقتا.

تۈركىيە ئارمىيەسى بۇ ھەقتە بايانات بېرىپ، «فىرات قالقىنى ھەرىكىتى دائىرىسىدە 29 – نويابىر سەيشەنبە كۈنى سائەت 15:30 ئەتراپىدا ئىككى قوراللىق سەپدىشىمىز بىلەن ئالاقە ئۈزۈلۈپ قالدى، ئىزدەش خىزمەتلىرى داۋام قىلماقتا» دېگەنلەرنى قەيت قىلدى.

باش قوماندانلىق ئىشتابى باشلىقى گېنېرال – پولكوۋنىك خۇلۇسى ئاقار باش مىنىستىر بىنالى يىلدىرىمغا تېلېفون قىلىپ، ۋەقە توغرىسىدا دوكلات بەردى.

بۇ جەرياندا، فىرات قالقىنى ھەرىكىتىنىڭ 99 – كۈنىدە تۈركىيە ئۇرۇش ئايروپىلانلىرى دائېش تېررورلۇق تەشكىلاتى ئەزالىرىنىڭ بىزاگاھ ۋە زارزۇر رايونلىرىدىكى ئىككى پاناھلىنىش ئورنىنى يوقىتىپ تاشلىدى.

ئاپەت ۋە جىددىي ئەھۋاللارنى بىر تەرەپ باشقارمىسى ۋە قىزىل ئاي خادىملىرى ئەركىن سۇرىيە ئارمىيەسى ۋە پۇقرالارغا قىلىۋاتقان ئارقا سەپ ياردىمىنى توختاۋسىز داۋاملاشتۇرماقتا.