تۈركىيە ئارمىيەسى يۈزلەرچە گېنېرالنى قوغلاپ چىقاردى...

تۈركىيە ئاۋازى رادىيوسى خەۋىرى: تۈركىيەدە ئىجرا قىلىنىۋاتقان جىددىي ھالەت دائىرىسىدە يولغا قويۇلۇشى كېرەك بولغان چارە – تەدبىرلەر ئارقىلىق بەزى ئىدارە – ئورگانلارغا ئۆزگەرتىش كىرگۈزۈش توغرىسىدىكى «قانۇن ھۆكمىدىكى قارارنامە» رەسمىي گېزىتنىڭ قايتىلانغان سانىدا ئېلان قىلىندى.

بۈگۈن ئېلان قىلىنغان قانۇن ھۆكمىدىكى قارارنامىگە ئاساسەن، 149 گېنېرال، 1099 ئوفېتسىر، 436 تۆۋەن دەرىجىلىك ئوفېتسىر تۈركىيە ئارمىيەسىدىن قوغلاپ چىقىرىلدى.

قوراللىق ساقچى قىسىم بىلەن دېڭىز قىرغىقى مۇداپىئە قوماندانلىقى ئىچكى ئىشلار مىنىستىرلىقىنىڭ قارمىقىغا كىرگۈزۈلدى.

بۇلاردىن سىرت 16 تېلېۋىزىيە قانىلى، 3 خەۋەر ئاگېنتلىقى، 23 رادىيو، 45 گېزىت، 15 ژۇرنال، 29 نەشرىيات ۋە تارقىتىش ئورنى تاقىۋېتىلدى.