شاھىن: تۈركىيە ئۈرۈمچىگە كونسۇلخانا ئاچقان تەقدىردە....

تۈركىيە ئاۋازى رادىيوسى خەۋىرى: مەھمەت ئەلى شاھىن خىتايدىن كەلگەن ھەيئەتنى تۈركىيەدە كۆرۈش ۋە ئادالەت ۋە تەرەققىيات پارتىيەسىدە كۆتۈۋېلىشتىن ئالاھىدە خۇشاللىق ھېس قىلىدىغانلىقىنى ئىپادىلىدى.

شاھىن، تۈركىيە بىلەن خىتاي خەلق جۇمھۇرىيىتى ئارىسىدىكى مۇناسىۋەتلەرنىڭ يېقىنقى يىللاردىن بۇيان بارلىق ساھەلەردە سۈرئەت بىلەن راۋاجلىنىۋاتقانلىقىنى ئېيتتى. 2012- يىلى ئىمزالانغان <ئىستراتېگىيەلىك ھەمكارلىق ئورنىتىش> كېلىشىمىنىڭ ئەھمىيىتى ئۈستىدە توختالغان شاھىن، خىتاي بىلەن تۈركىيە ئارىسىدىكى 28 مىليارد دوللارلىق سودا ھەجمىنى 2015- يىلىغا بارغاندا 50 مىليارد دوللارغا؛ 2020- يىلىغا بارغاندا بولسا، 100 مىليارد دوللارغا يەتكۈزۈشنى نىشانلاۋاتقانلىقلىرىنى ئەسكەرتتى.

ئۇيغۇر ئاپتونوم رايونىدا ياشاۋاتقان ئۇيغۇر تۈركلىرى ھەققىدىمۇ توختالغان مەھمەت ئەلى شاھىن، «رايوندىن كېلىۋاتقان بىر قاتار خەۋەرلەر تۇغقاندارچىلىق رىشتىسى بولغانلىقى مۇناسىۋىتى بىلەن تۈركىيەدە پەرقلىق قاراشلارنى پەيدا قىلماقتا. شۇڭا ئۈرۈمچىدە بىر كونسۇلخانا ئېچىلغان تەقدىردە، ناتوغرا ئۇچۇرلارنىڭ ئوتتۇرىغا چىقىشىنىڭ ئالدى ئېلىنىدۇ» دېگەنلەرنى قەيت قىلدى.