25.12.2020

түркийә авази радийоси: «вәтән» гезити: «түркийәниң күнсери ешиватқан күчи вә иқтидарлири» сәрләвһилик хәвиридә, дөлитимиз (түркийә җумһурийити) ташқи ишлар министири мәвлүт чавушоғлуниң, түркийәниң ковид – 19 йуқуми мәзгилидә актип сийасәт йүргүзгәнликини әскәртип: «тарқилишчан зукамға қаримай, биз сүрийә, ливийә, шәрқий ақдеңиз, қибрис вә қарабағ қатарлиқ муһим мәсилиләр тоғрисида тәшәббускарлиқ билән паалийәт елип бардуқ» дегәнликини йазди.

гезитниң хәвиридә көрситилишичә, чавушоғлу йәнә, түркийәниң түркийәниң дунйа бойичә бәшинчи чоң дипломатийә ториға игә икәнликини вә инсанпәрвәрлик тәрәққийат йардими җәһәттиму алдинқи қатардики дөләт икәнликини оттуриға қойған.

«стар» гезити: «әнқәрәдин бағдадқа <керәклик қәдәмләрни ташлаңлар, болмиса биз ташлаймиз> сигнали» сәрләвһилик хәвиридә, түркийәниң бөлгүнчи террорлуқ тәшкилати п к к ниң ирақниң синҗар районидин чиқириветилиш мусаписини әстайидиллиқ билән көзитиватқанлиқини, дәм елишқа чиққан биригада генерали фаһри әрәнәлниң ирақ баш министири мустапа казиминиң әнқәрәдики зийаритини анализ қилип: «мениңчә бу интайин муһим зийарәт иди. мениң қаришимчә, әнқәрә <керәклик қәдәмләрни ташлаңлар, болмиса биз ташлаймиз> деди» дегәнликини оқурмәнлири билән ортақлашти.

«хабәртүрк» гезити: «ваксинилар йәкшәнбә күни кәчтә йолға чиқиду» сәрләвһилик хәвиридә, корона вирус илмий комитетиниң түнүгүн сәһийә министири фаһрәттин коҗаниң рийасәтчиликидә «ваксина вә өзгириш» темисида йиғин чақирғанлиқини, «биз хитай ваксинисиниң түрк хәлқидә үнүми болидиғанлиқиға ишинимиз. хитай ваксиниси түрк хәлқидә %91.25 үнүмини көрсәтти» дегән министир коҗаниң сөзини давамлаштуруп, хитайдин келидиған ваксиниларниң йәкшәнбә күни кәчтә йолға чиқидиғанлиқини билдүргәнликини йазди.

«һөррийәт» гезити, «бийонтек ваксинисиниң тохтам тәпсилатлири елан қилинди» сәрләвһилик хәвиридә, сәһийә министири фаһрәттин коҗаниң, түрк тәтқиқатчи уғур шаһин вә өзләм түрәҗиниң бионтек ширкити билән америка дора ширкити пфизер тәрипидин ишләпчиқирилған ваксининиң түркийәгә келидиғанлиқини уқтурғанлиқи йазди.

хәвәрдә көрситилишичә, министир коҗа, мартниң ахириғичә 4 милйон 500 миң қута ваксинисиниң түркийәгә келишини мәзмун қилған келишимниң бүгүн – әтә ичидә имзалинидиғанлиқини елан қилған.

«йеңи шәпәқ» гезити: «милйард долларлиқ алтун записи» сәрләвһилик хәвиридә, биләҗиңниң сөгүт наһийәсидә қиммити 46 милйар лираға тәң келидиған алтун записиниң тепилғанлиқи, мәзкур алтунни чиқириш үчүн миң адәмниң ишқа орунлаштурулушиниң пиланлиниватқанлиқи тоғрисидики учурларни оқурмәнлириниң диққитигә сунди.