26.09.2018

түркийә авази радийоси: «йеңи шәпәқ гезити», түркийә җумһур рәиси рәҗәп таййип әрдоғанниң американиң нийу йорк шәһиридә чақирилған б д т омумий кеңишиниң 73-нөвәтлик йиғинида сөз қилғанлиқини хәвәр қилди.

хәвәрдә, җумһур рәис рәҗәп таййип әрдоғанниң бөлгүнчи террорлуқ тәшкилати п к к ға йардәм қилған американи тәнқид қилип, түркийәниң мунбичтин башлап ирақ чеграсиғичә болған сүрийә земинлирини террористлардин тазилайдиғанлиқини тәкитлигәнлики қәйт қилинди.

хәвәрдә, җумһур рәис рәҗәп таййип әрдоғанниң тактикилиқ мәнпәәтләрни көзләп, «террористларға онмиңларчә йүк аптомобилида, миңларчә тирансипорт айропиланида қорал бәргәнләр, келәчәктә чоқум буниң зийинини көриду» дегәнлики әскәртилди.

«стар гезити», җумһур рәис рәҗәп таййип әрдоғанниң 27-29-сентәбир күнлири арисида әмәлгә ашурулидиған германийә зийаритиниң, икки дөләт мунасивәтлиридә йеңи сәһипә ачидиғанлиқини хәвәр қилди.

хәвәрдә, җумһур рәис рәҗәп таййип әрдоғанниң германийә пирезиденти волтер стейнмийир вә баш министир меркел ханим билән көрүшидиғанлиқи билдүрүлди.

хәвәрдә, җумһур рәис рәҗәп таййип әрдоғанниң зийарәт даирәсидә йәнә, иҗтимаий тәшкилат вәкиллири вә германийәдики чоң ширкәтләрниң мәсуллири биләнму көрүшидиғанлиқи қәйт қилинди.

«вәтән гезити», түркийә билән голландийә мунасивәтлириниң нормаллишиш басқучиға киришидин кейин, голландийәниң әнқәрәдики баш әлчиси болуп вәзипигә тәйинләнгән квастентенйтниң, түркийә-голландийә мунасивәтлиридә иҗабий рол ойнашни үмид қилидиғанлиқини ейтқанлиқини хәвәр қилди.

гезитниң хәвиридә, квастентенйтниң түнүгүн (25-сентәбир) пайтәхт әнқәрәгә йетип кәлгәнлики әскәртилди.

хәвәрдә, квастентенйтниң айродурумда мухбирларниң зийаритини қобул қилип: «бу йәргә кәлгәнликимдин наһайити хушалмән, бу наһайити муһим вақит, бу йәрдә йахши вақит өткүзүшни вә түркийә-голландийә мунасивәтлиридә иҗабий рол ойнашни үмид қилимән» дегәнлики билдүрүлди.

«һөррийәт гезити», русийәдики әң чоң банкиси һесаблинидиған «сбәрбанкиси» (Sberbank) ниң херидарлириниң, италийәдин қалсила түркийәдә әң көп пул хәҗлигәнликини хәвәр қилди.

хәвәрдә, банкиниң байанатиға асасланғанда, банка херидарлириниң йаз пәслидә чәт әлдә 141.2 милйард рубли (тәхминән 2.16 милйард доллар) хәҗлигән болуп, италийәдин қалсила түркийәдә әң көп пул хәҗләнгәнлики, арқидин испанийә, фирансийә, гиретсийә вә германийә қатарлиқ дөләтләрниң келидиғанлиқи қәйт қилинди.