қирғиз-таҗик чегра сөһбәтлири давамлашмақта
қирғизистан билән таҗикистан дәталашлиқ чеграларниң 1.1 километирлиқ қисми үстидә пикир бирлики һасил қилди.
түркийә авази радийоси хәвири: таҗикистан миллий хәвпсизлик дөләт комитети қирғизистан билән дәталашлиқ чеграларниң бир қисми үстидә пикир бирлики һасил қилинғанлиқи тоғрисида байанат елан қилди.
байанатта, таҗикстанниң шималиға җайлашқан соғди вилайитигә қарашлиқ бостанда, икки дөләтниң тәкшүрүш гурупписиниң йиғин өткүзгәнлики билдүрүлди.
байанатта, икки дөләт гуруппилириниң чеграниң 1.1 километирлиқ қисми үстидә пикир бирлики һасил қилип, алақидар келишимниң түзүлгәнлики қәйт қилинди.
байанатта йәнә, тәрәпләрниң қирғизистанда өткүзүлидиған келәр қетимлиқ йиғинда, икки дөләт оттурисидики дәталашлиқ чеграниң башқа қисимлириға мунасивәтлик хизмәтләрниң давамлишидиғанлиқи әскәртилди.
қирғизистан билән таҗикистан оттурисидики 972 километирлиқ чеграниң тәхминән %90 игә тоғра келидиған 889.45 километирлиқ қисми үстидә пикир бирлики һасил қилинған иди. ахирқи қетим 30-йанвар (2023) дин 5-февралғичә (2024) қирғизистанниң баткән шәһиридә бир йәргә җәм болған тәрәпләр, чеграниң 3.71 километирлиқ қисми үстидә пикир бирлики һасил қилған иди.
таҗикистан билән қирғизистан оттурисида чегра дәталашлири сәвәбидин пат-пат җиддийчиликләр вә тоқунушлар йүз бәрмәктә. икки дөләт оттурисида 14-феврал (2022) йүз бәргән вәқәләрдә, икки тәрәптин онларчә киши җенидин айрилған иди.
