қирғизистан билән таҗикистан чегра мәсилиси сөһбәтлиридә қисмән илгириләш һасил болди

түркийә авази радийоси хәвири: қирғизистан һөкүмәт ахбарат оргининиң байанатиға қариғанда, икки дөләт чегра бәлгиләш һәйәтлири 8-декабирдин 14-декабирғичә қирғизистанниң баткән шәһиридә сөһбәт өткүзгән.

икки дөләт чегра бәлгиләш һәйәтлири қирғизистан-таҗикистан чеграсиниң йәнә 47.05 километирлиқ қисми тоғрисида  келишим һасил қилип, мунасивәтлик һөҗҗәтләрни имзалиған.

қирғизистан билән таҗикстан оттурисидики 970 километирлиқ чеграниң 503 километирлиқ қисминиң тәвәлики ениқсиз болуп, чеграниң икки тәрипидә йашайдиған амминиң тоқунушлириға бәзидә икки дөләт қисимлириму арилишип кәлмәктә иди.

әң ахирқи қетим 2022 – йили 14 – сентәбирму тоқунуш йүз берип, һәр икки тәрәптин нәччә он киши қаза қилғаниди.

совет иттипақи йимирилгән (1991 – йили)дин кейин пәйда болған чегра маҗирасини һәл қилиш үчүн қурулған қирғизистан-таҗикистан чегра бәлгиләш хизмәт гуруппилири, буниңдин илгири талаш – тартишлиқ чеграниң 190 километирлиқ қисми тоғрисида  келишим һасил қилғаниди.