байрамов б д т йиғинида қуран кәримгә қилиниватқан һуҗумлар тоғрисида тохталди
әзәрбәйҗан ташқи ишлар министири җәйһун байрамов бәзи дөләтләрдә пикир әркинлики тониға орунувелип, қуран кәримни көйдүрүш вә униңға биһөрмәтлик қилишниң «өчмәнлик җинайити» шәкилләндүридиғанлиқини оттуриға қойди.
түркийә авази радийоси хәвири: байрамов шивийетсарийәниң җәнвә шәһиридә давам қиливатқан б д т кишилик һоқуқ кеңишиниң 54- нөвәтлик йиғинида сөз қилди.
әзәрбәйҗанниң кишилик һоқуқ хитабнамиси вә башқа хәлқаралиқ һөҗҗәтләрдә көрситилгән кишилик һоқуқниң асасий принсиплирини қоғдаватқанлиқини тилға алған байрамов, әзәрбәйҗанниң кишилик һоқуқниң толуқ йолға қойулушини сиҗил тинчлиқ, тәрәққийат вә пүткүл инсанийәтниң параванлиқи үчүн интайин муһим дәп қарайдиғанлиқини тәкитлиди.
у әзәрбәйҗанниң кишилик һоқуққа болған садақитидә мурәссә қилмайдиғанлиқини вә бу саһәдә ислаһат елип беришни давамлаштуридиғанлиқини әскәртти.
байрамов өзлириниң көрәлмәслик, кәмситиш, ислам дүшмәнлики вә өчмәнлик қилимишлиридики көпийиштин әндишә қиливатқанлиқини тилға елип: «бу позитсийә җәмийитимизниң инақлиқи, бихәтәрлики вә муқимлиқиға еғир тәһдит елип кәлмәктә. дунйаниң бәзи җайлирида пикир әркинлики тониға орунувелип, қуран кәримни көйдүрүш вә униңға биһөрмәтлик қилишни қобул қилғили болмайду вә бундақ қилиш өчмәнлик җинайити шәкилләндүриду. бу вәқәләрниң алдиниң үнүмлүк шәкилдә елиниши вә буларға қарши туруш хәлқараниң ортақ тиришчанлиқ көрситини тәләп қилиду» дегәнләрни қәйт қилди.
