қазақистанда хәлқ һазирқи асасий қанунға түзитиш киргүзүшкә қошулди

түркийә авази радийоси хәвири: қазақистан мәркизи сайлам комитети түнүгүн (2022-йили 5-ийун) пүткүл мәмликәттә өткүзүлгән асасий қанунға өзгәртиш киргүзүш реферандуминиң дәсләпки нәтиҗисини елан қилди.

буниңға асасланғанда, 19 милйон нопуси болған қазақистанда тизимға алдурған 11 милйон 734 миң 642 сайлиғучиниң тәхминән 8 милйони (%68) беләт ташлашқа қатнашқан болуп, <қазақистан җумһурийити асасий қануниға түзитиш киргүзүш вә қошумчә қилинишини қобул қиламсиз?>  дегән соалға җаваб бериш үчүн беләт ташлиған.

беләт ташлиған сайлиғучиларниң %77.18 и «һәә», %18.66 и «йақ» дәп җаваб қайтурған.

реферандумда қоллиғучилар көп санлиқни тәшкил қилған тәқдирдә, һазирқи 1995-йили қобул қилинған асасий қанунниң 33 асасий маддисиға өзгәртиш киргүзүзш вә бу йил 1-айниң бешида йүзбәргән кәң көләмлик вәқәләрдин кейин, дөләтниң мәмурий түзүмини қайта түзүшниң нишан қилинғанлиқи билдүрүлгән иди.