түрк кеңиши «қанлиқ йанвар» қирғинчилиқини әйиблиди
түрк тиллиқ дөләтләр һәмкарлиқ кеңиши (түрк кеңиши) әзәрбәйҗанниң қайғу вә иптихар күни болған тарихий 20 – йанвар «қанлиқ қирғинчилиқи»ниң 31 йиллиқини хатирилиди вә вәқәни әйиблиди.
түркийә авази радийоси хәвири: түрк кеңишиниң тивиттердики адресида елан қилинған байанатта: «<қара йанвар> дегән нам билән тарих сәһипилиридин орун алған 1990 - йили 1 - айниң 20 – күнидики баку қирғинчилиқи мунасивити билән, биз түрк кеңиши болуш сүпитимиз билән, әзәрбәйҗанниң вәтини үчүн җенини пида қилған барлиқ қәһриман әвладлирини һөрмәт билән хатириләймиз, уларниң қиммәтлик хатирилири алдида һөрмәт билән баш игимиз» дегән ибариләргә орун берилди.
1990 - йилиниң бешида әрмәнләрниң күнсери күчийиватқан земин тәләплиригә вә сабиқ совет һөкүмитигә болған наразилиқини ипадилимәкчи болған нәччә миң әзәрбәйҗанлиқ бакудики әркинлик мәйданиға йиғилип узун муддәтлик йиғилишларни башлиғаниди.
намайишчиларни тарқақлаштуруш үчүн 20 – йанварда бакуниң һәрқайси районлириға киргән 26 миң кишилик сабиқ совет армийәси, айаллар вә балиларни өз ичигә алған 147 пуқрани өлтүргән вә нәччә йүз кишини йариландурғаниди.
