қирғизистан пирезиденти вәзиписидин истепа бериш қарариға кәлгәнликини елан қилди

түркийә авази радийоси хәвири: қирғизистан пирезидентлиқ ахбарат мәркизиниң байанатида, соронбай җенбековниң өзигә нисбәтән һәммидин муһими қирғизистанниң тинчлиқи, дөләтниң бир пүтүнлүки, хәлқниң иттипақлиқи вә җәмийәтниң аманлиқи икәнликини тәкитлигәнлики билдүрүлди.

җенбеков пайтәхт бишкәкниң иҗтимаий-сийасий вәзийитиниң йәнила җиддий икәнликини әскәртип: «түнүгүн йеңи министирлар кабентини тәстиқлидим, әмма бу җиддийчиликни пәсәйтмиди. дәрһал истепа  беришимни тәләп қилишлар давамлашмақта. нөвәттики вәзийәт икки тәрәплик тоқунушқа йеқинлашти. бир тәрәптә намайишчилар, йәнә бир тәрәптә бихәтәрлик қисимлири. әскәрләр вә бихәтәрлик қисимлири пирезидентлиқ туралғусини қоғдаш үчүн қорал ишлитишкә мәҗбур болмақта. маңа нисбәтән һәр бир вәтәндишимниң һайатидинму қиммәтлик һеч нәрсә йоқ. тарихқа пуқралиримниң қениниң төкүлүшигә сәвәү болған пирезидент болуп хатирлинишни халимаймән. шуңа мән вәзипәмдин истепа беришни қарар қилдим» деди.

соронбай җенбеков йеңи баш министир садир җапаров вә башқа сийасийонларниң қоллиғучилирини бишкәктин чиқириш вә шәһәр аһалилиригә тинч- аман  турмуш сунуш чақириқи елан қилип: «һечқандақ һакимийәт дөлитимизниң пүтүнлүки вә җәмийәтниң аманлиқидин қиммәтлик әмәс. һәммигә қадир аллаһ һәммимизни, земинимизниң тинчлиқи вә хатирҗәмликини қоғдисун» деди.

түнүгүн баш министирлик вәзиписигә олтурған җапаров вә башқа сийасийонларниң қоллиғучилири, өткүзгән намайишлирида соронбай җенбековниң истепа беришини тәләп қилған иди.