تارىختىكى بۈگۈن: 25 – دېكابىر

بۈگۈن 2020 – يىلى، 25 – دېكابىر، جۈمە.

• 1932 – يىلى، بۈگۈنكى كۈندە، خىتاينىڭ گەنسۇ رايونىدا 7.6 بال يەر تەۋرىدى. يەر تەۋرەشتە، تەخمىنەن 70 مىڭ ئادەم ھاياتىدىن ئايرىلدى.

• 1973 – يىلى، بۈگۈنكى كۈندە، تۈركىيە جۇمھۇرىيىتىنىڭ 2 – جۇمھۇر رەئىسى، مۇستاپا كامال ئاتاتۈركنىڭ ئەڭ يېقىن سەپدىشى ۋە ئاتاتۈركتىن كېيىن ئۇدا 35 يىل جۇمھۇرىيەت خەلق پارتىيەسىنىڭ رەھبىرى بولغان ئىسمەت ئىنۆنۈ، ئەنقەرەدە 89 يېشىدا ئالەمدىن ئۆتتى.

• 1989 – يىلى، بۈگۈنكى كۈندە، رۇمىنىيەدە خەلق قوزغىلىڭى نەتىجىسىدە ئاغدۇرۇلغان پىرېزىدېنت نىكولاي چاۋۇشېشكۇ ۋە ئۇنىڭ ئايالى ئېلېنا چاۋۇشېشكۇ، ئوققا تۇتۇلۇپ ئۆلۈم جازاسىغا مەھكۇم قىلىندى.