تارىختىكى بۈگۈن: 28– فېۋرال

ئىلكەر تاشقىن تەرىپىدىن تەييارلانغان «تارىختىكى بۈگۈن» ناملىق پىروگراممىمىز ھۇزۇرۇڭلاردا...

28.02.2020 ~ 04.05.2024

1368351

يىل 1953، 28– فېۋرال...
تۈركىيە، گىرېتسىيە ۋە يۇگوسلاۋىيە ئوتتۇرىسىدا بالقان كېلىشىمى ئىمزالاندى. كېلىشىم ئارقىلىق ھەربىي ھەمكارلىقنى مەقسەت قىلغان ئۈچ دۆلەت، سابىق سوۋېتلەر ئىتتىپاقىنىڭ بالقان رايونى ئۈستىدىكى بېسىمىنى يىنىكلىتىشنى مەقسەت قىلاتتى.
1986-يىلى 28– فېۋرال پايتەخت ستوكھولمدا ئايالى ۋە ئوغلى بىلەن كىنو كۆرگىلى بارغان شىۋېتسىيە باش مىنىستىرى ئولاف پالمې قوراللىق ھۇجۇمغا ئۇچراپ جېنىدىن ئايرىلدى. بۇ سۇيىقەستنى ھازىرغىچە ئېنىقلىيالمىدى ۋە قاتىللارمۇ تېپىلمىدى.
1991-يىلى 28– فېۋرال ئامېرىكا 1-پارس قولتۇقى ئۇرۇشىدا قۇرۇقلۇق ھەرىكىتىنى باشلىشى بىلەن، ئىراق ئىتتىپاقداش دۆلەتلەر بىلەن ئۇرۇش توختىتىش كېلىشىمى ئىمزالىدى. كېلىشىمنىڭ ئىمزالىنىشى بىلەن، ئىراقنىڭ ئالتە ئاي 25 كۈن داۋاملاشقان كۇۋەيت ئىشغالى ئاخىرلاشتى.
1997-يىلى 28– فېۋرال تۈركىيەدە مىللىي خەۋپسىزلىك كېڭىشىنىڭ توققۇز سائەت داۋاملاشقان يىغىنىدىن كېيىن، «28-فېۋرال مۇساپىسى» دەپ ئاتالغان 18 ماددىلىق قارار ئېلان قىلىندى.
2015-يىلى 28– فېۋرال «مەمەت ئاۋاق» ۋە «تۆمۈر يەر، مىس ئاسمان» قاتارلىق كلاسسىك ئەسەرلەرنىڭ ئاپتورى ياشار كامال 92 يېشىدا ۋاپات بولدى.