تارىختىكى بۈگۈن: 14.12.2019
«تارىختىكى بۈگۈن» ناملىق پىروگراممىمىزنى ھۇزۇرۇڭلارغا سۇنىمىز.
![تارىختىكى بۈگۈن: 14.12.2019](http://cdn.trt.net.tr/images/xlarge/rectangle/6cc3/df04/7b3b/5dc7bfa13b2ef.jpg?time=1719050009)
بۈگۈن 2019 – يىلى 14 – دېكابىر.
1799 – يىلى 14 – دېكابىردا، ئامېرىكانىڭ قۇرغۇچى رەھبىرى ۋە تۇنجى پىرېزىدېنتى گېئورگې ۋاشىنگىتون ۋاپات بولغان ئىدى.
1911 – يىلى 14 – دېكابىردا، «ۋىكىڭ» لەقەملىك نورۋېگىيەلىك ئېكسپېدىتسىيەچى روئالد ئامۇندسېن غەربىي شىمال ئۆتىڭىدىن ئۆتۈپ، جەنۇبىي قۇتۇبنىڭ نول نۇقتىسىغا يېتىپ بارغان ئىدى.
1935 – يىلى 14 – دېكابىردا، پۇتبول تارىخىدا بىر يىڭىلىق يارىتلغان بولۇپ، ئەنگلىيە پۇتبول كوماندىسى ئارسېنال، ئاستون ۋىللا كوندىسىنى 1- گە قارشى 7 نەتىجە بىلەن مەغلۇپ قىلغان ۋە ئارسېنال كوماندىسىنىڭ 7 توپىنىڭ ھەممىنى پۇتبول ماھىرى تېد دراك كىرگۈزگەن ئىدى.
1953 – يىلى 14 – دېكابىردا، سودا سانائەت بانكىسى ھەسسەلىرىنىمۇ ئۆز ئىچىگە ئالغان جۇمھۇرىيەت خەلق پارتىيەسىنىڭ مال - مۈلۈكلىرىنى خەزىنىگە تاپشۇرۇش قانۇن تەكلىپى تۈركىيە بۈيۈك مىللەت مەجلىسى (پارلامېنتى)دا قوبۇل قىلىنغان ئىدى. 29 – دېكابىرغا قەدەر مالىيە مىنىستىرلىقىغا تاپشۇرۇش شەرتى بىلەن «خەلق» ۋە «يېڭى ۋەقەلەر» ناملىق گېزىت ھەمدە «قاراگۆز» ژۇرنىلى ئاخىرىقى سانلىرىنى ئېلان قىلغان ئىدى.
1954 – يىلى 14 – دېكابىردا، قىبرىس مەسىلىسى بىرلەشكەن دۆلەتلەر تەشكىلاتىغا سۇنۇلدى. تۈركىيەنىڭ ب د ت دا تۇرۇشلۇق ۋەكىلى سەلىم سارپەر: «قىبرىس تۈركىيە ساھىللىرىغا 40 مىل ئۇزاقلىققا ۋە گېرىتسىيە ساھىللىرىغا 600 مىل ئۇزاقلىققا جايلاشقان. ھەرگىزمۇ گىرېتسىيەگە تەۋە بولالمايدۇ» دېگەن سۆزلىرى بىلەن ئېنوسىسنىڭ ئارزۇ – ھەۋەسلرىگە قارشى تۈركىيەنىڭ قەتئىي پوزىتسىيەنى ئوتتۇرىغا قويغان ئىدى.
1960 – يىلى 14 – دېكابىردا، ئىستانبۇل بوغۇزىدا گېرىتسىيە ۋە يوغۇسلاۋىيە نېفىت پاراخوتلىرى سوقۇشۇپ كەتكەن ئىدى. ۋەقەدە 52 كىشى ئۆلگەن ۋە دېڭىزغا تۆكۈلگەن قانچىلىغان توننا گاز يېغى 52 كۈنگىچە توختىماي كۆيگەن ئىدى.
1960 – يىلى 14 – دېكابىردا، ئامېرىكا، كانادا ۋە تۈركىيە ئورتاق بازىرىغا ئەزا 9 دۆلەت شۇنداقلا ياۋروپا ئەركىن سودا بىرلەشمىسىگە ئەزا 7 دۆلەت، قىسقارتىلما ئىسمى «OECD» دېيىلىدىغان ئىقتىسادىي ھەمكارلىق ۋە تەرەققىيات تەشكىلاتىنىڭ قۇرۇلۇشى ئۈچۈن پارىژ ئەھدىنامىسىنى ئىمزالاشقان ئىدى.
1981 – يىلى 14 – دېكابىردا، ئىسرائىلىيە ھۆكۈمىتى 1967 – يىلىدىكى «6 كۈنلۈك ئۇرۇش» تا ئالقىنىغا كىرگۈزۈۋالغان گولان ئېگىزلىكىنى ئۆزىگە قوشۇۋالغانلىقىنى جاكارلىدى. ئىسرائىلىيە پارلامېنتى بۇ قوشۇۋىلىش قارارىنى شۇ كۈنى تەستىقتىن ئۆتكۈزگەن ئىدى.
1989 – يىلى 14 – دېكابىردا، كىشىلىك ھوقۇق پائالىيەتچىسى ۋە نوبېل تىنچلىق مۇكاپىتىغا ئېرىشكەن سوۋىتلىك پەن – تەتقىقاتچى ئاندېي ساھاروۋ 67 - يېشىدا ۋاپات بولغان ئىدى.
1995 – يىلى 14 – دېكابىردا، يۇگوسلاۋىيەدە 3 يىل داۋاملاشقان ئىچكى ئۇرۇشنى خاتىمە بېرىلىپ، «دايتون تىنچلىق كېلشىمى» تۈزۈلگەن ئىدى. بۇ كېلىشىم ئەلىيا ئىززەت بىگۇۋىچ، سىلوبادان مىلوسېۋىچ ۋە فىرانجو تۇنجمان ئوتتۇرىسىدا ئىمزالانغان ئىدى.
مۇناسىۋەتلىك خەۋەرلەر
![تارىختىكى بۈگۈن: 31 – دېكابىر](http://cdn.trt.net.tr/images/medium/rectangle/5af3/bd26/691c/5c2dc48656ba2.jpg?time=1719050009)
تارىختىكى بۈگۈن: 31 – دېكابىر
ئىلكەر تاشقىن تەرىپىدىن تەييارلانغان «تارىختىكى بۈگۈن» ناملىق پىروگراممىمىز ھۇزۇرۇڭلاردا...