تارىختىكى بۈگۈن: 7 – دېكابىر

بۈگۈن 2019 – يىلى، 7– دېكابىر، شەنبە.

• 1941 – يىلى بۈگۈنكى كۈندە، ياپونىيە ئامېرىكا قوشما ئىشتاتلىرىنىڭ پېرل ھاربور رايونىدىكى ھەربىي بازىسىغا ھۇجۇم قىلدى. ھۇجۇمدا 19 ئۇرۇش پاراخوتى چۆكتۈرۈۋېتىلدى، 200  ئۇرۇش ئايروپىلانى يوق قىلىندى، 2 مىڭ 400 كىشى ھاياتىدىن ئايرىلدى. ئارقىدىنلا ئامېرىكا قوشما ئىشتاتلىرى ياپونىيە ۋە گېرمانىيەگە ئۇرۇش ئېلان قىلىپ، ئىككىنچى دۇنيا ئۇرۇشىغا قاتناشتى.
• 1956 – يىلى بۈگۈنكى كۈندە، تۈرك ئەدەبىياتىنىڭ مۇھىم رومانلىرىدىن «چالىقۇشۇ» نىڭ يازغۇچىسى رەشات نۇرى گۈنتەكىن 67 يېشىدا ئالەمدىن ئۆتتى.
• 1973  - يىىل بۈگۈنكى كۈندە، ئىسلام تەرەققىيات بانكىسى ئىسلام كونفېرانس تەشكىلاتىغا ئەزا 7 دۆلەت تەرىپىدىن قۇرۇلدى. مەركىزى سەئۇدى ئەرەبىستاننىڭ جىددە شەھىرىگە جايلاشقان بانكا ئارقىدا قالغان ئىسلام ئەللىرىگە ئىقتىسادىي جەھەتتىن ياردەم بېرىشنى  نىشان قىلىدۇ.
• 1983 – يىلى بۈگۈنكى كۈندە، مادرىد ئايرودۇرۇمىدا ئىككى يولۇچىلار ئايروپىلانى ئۇچۇش ۋە چۈشۈش يولىدا سوقۇلۇپ كېتىپ، 93 كىشى جېنىدىن ئايرىلدى.
• 1988 – يىلى بۈگۈنكى كۈندە،  ئەرمېنىيەدە 7.1 بال يەر تەۋرەەپ، 25 مىڭ كىشى ھاياتىدىن ئايرىلدى، 150 مىڭ كىشى يارىلاندى، 400 مىڭدىن ئارتۇق كىشى ئۆي – ماكانسىز قالدى.
• 2017 – يىلى بۈگۈنكى كۈندە، «ئايلا» ناملىق فىلىمنىڭ تېمىسى بولغان كورېيە غازىسى سۇلايمان دىلبىرلىكى ئىستانبۇلدا ئالەمدىن ئۆتتى.
• 2017 – يىلى بۈگۈنكى كۈندە، جۇمھۇر رەئىس رەجەپ تاييىپ ئەردوغان گىرېتسىيەدە دۆلەت ئىشلىرى زىيارىتىدە بولدى. بۇ، ئارىدىن 67 يىل ئۆتكەندىن كېيىن  تۈركىيەدىن گىرېتسىيەگە جۇمھۇر رەئىس سۈپىتىدە ئىشقا ئاشۇرۇلغان تۇنجى رەسمىي زىيارەت ھېسابلىنىدۇ.