تارىختىكى بۈگۈن: 21.11.2019

بۈگۈن 2019 – يىلى 21 – نويابىر.

1783 – يىلى 21 - نويابىردا، فىرانسىيەنىڭ پايتەختى پارىژدا جېن فرانچوس پىلاترە دې رۇزېر بىلەن مارك د ئارلاندېس تۇنجى قېتىم گاز شارى بىلەن ئۇچقان ئىدى.

1877 – يىلى 21 - نويابىردا، ئامېرىكالىق ئىجادىيەتچى ئېدىسون پاتېفون ئاۋاز قەيت قىلىش ئۈسكىنىسىنى ئىجاد قىلغان ئىدى.

1900 – يىلى 21 – نويابىردا، ئوسمانلى ھۆكۈمىتى يەھۇدىيلارنىڭ پەلەستىنگە كۆچۈپ يەرلىشىشىنى توسۇش مەقسىتىدە ھەر خىل تەدبىرلەرنى يولغا قويغان بولۇپ، بۇ تەدبىرلەر ئارىسىدا يەھۇدىيلارنىڭ پاسپورتلىرىنى تاپشۇرۇشى شەرتى بىلەن پەلەستىندە ئەڭ كۆپ 3 ئاي تۇرۇشىغا رۇخسەت قىلىنىدىغان «قىزىل كېنىشكە» يولغا قويۇلغان ئىدى.

1938 – يىلى – 21 -نويابىردا تۈركىيەنىڭ قورغۇچىسى مۇستاپا كامال ئاتاتۈركنىڭ جەسىتى ئەنقەرە ئىتنوگرافىيە مۇزىيىدىكى قەبرىسىگە ۋاقىتلىق قويۇلغان بولۇپ، ئۇنىڭ جەسىتى بۇ يەردە تاكى 1953 - يىلىغىچە ساقلانغان ئىدى.

1955 – يىلى 21 - نويابىردا، ئوتتۇرا شەرقتە سوۋىت ئىتتىپاقىنىڭ تەھدىتىگە قارشى تۈركىيە، ئىران، ئىراق، پاكىستان ۋە ئەنگلىيەنىڭ قاتنىشىشى بىلەن باغداد ئەھدىنامىسى تۈزۈلگەن ئىدى.

1980 – يىلى 21 – نويابىردا، ئامېرىكانىڭ ئاتاقلىق كۆڭۈل ئېچىش مەركىزى لاس ۋېگاستىكى بىر مېھمانخانىدا ئوت ئاپىتى يۈز بېرىپ، 87 كىشى ئۆلگەن ۋە 680 دىن ئارتۇق كىشى يارىدار بولغان ئىدى.

2002 – يىلى 21 – نويابىردا شىمالىي ئاتلانتىك ئەھدى تەشكىلاتى (ناتو) تۇنجى قېتىم ۋارشوۋا ئەھدىنامسىگە ئەزا دۆلەت چېخ جۇمھۇرىيىتىنىڭ پايتەختى قىراگدا ئالىي رەھبەرلەر يىغىنى ئۆتكەن ئىدى. 

2009 – يىلى 21 -  نويابىردا، خىتاينىڭ خېگاڭ شەھىرىدە يۈز بەرگەن كان پاچىئەسىدە 104 كان ئىشچىسى ئۆلگەن ئىدى.