تارىختىكى بۈگۈن: 19.09.2019
«تارىختىكى بۈگۈن» ناملىق پىروگراممىمىزنى ھۇزۇرۇڭلارغا سۇنىمىز.
بۈگۈن 2019 – يىلى 19 - سىنتەبىر.
1575 – يىلى 19 – سىنتەبىردە سۇلتان 3 – مۇراد ئىستانبۇل رەسەتخانىسىنى ئاچقان بولۇپ، رەسەتخانە 5 يىلدىن كېيىن تاقالغان ئىدى.
1921 – يىلى 19 – سىنتەبىردە، ساكاريا مەيدان ئۇرۇشىدىن كېيىن قوماندان مۇستاپا كامالغا مارشىلا مەرتىۋىسى ۋە غازىيلىق ئۇنۋانى بېرىلگەن ئىدى.
1935 – يىلى 19 – سىنتەبىردە، گېرمانىيەدە ناتسېست ھۆكۈمىتى يەھۇدىيلارنىڭ دۆلەت ئورگانلىرىدا ئىشلىشىنى چەكلىگەن ئىدى.
1951 – يىلى 19 – سىنتەبىردە، شىمالىي ئاتلانتىك ئەھدى تەشكىلاتى كېڭىشى تۈركىيە ۋە گىرېتسىيەنى شىمالىي ئاتلانتىك ئەھدى تەشكىلاتى (ناتو)غا ئەزا بولۇشقا چاقىرىق قىلغان ئىدى.
1955 – يىلى 19 – سىنتەبىردە، ئارگېنتىنا پىرېزىدېنتى يۇان پېرون ھەربىي - سىياسىي ئۆزگىرىش ئارقىلىق ئاغدۇرۇپ تاشلانغان ئىدى.
1976 – يىلى 19 – سىنتەبىردە، تۈركىيە ھاۋا يوللىرى شىركىتىنىڭ «ئانتاليا» ناملىق ئايروپىلانى ئىپسارتاغا يېقىن جايدا چۈشۈپ كېتىپ، 154 كىشى ئۆلگەن ئىدى.
1985 – يىلى 19 – سىنتەبىردە، مېكسىكانىڭ پايتەختى مېكسىكودا يۈز بەرگەن 8.2 بال يەر تەۋرەش ئاپىتىدە 10 مىڭدىن ئارتۇق كىشى ئۆلگەن ئىدى.
2002 – يىلى 19 – سىنتەبىردە ئىسرائىلىيە تانكىلىرى پەلەستىن دۆلەت رەئىسى ياسىر ئەرافاتنىڭ راماللاھتىكى قوماندانلىق مەركىزىگە بېسىپ كىرگەن ئىدى.
2010 – يىلى 19 – سىنتەبىردە، ئارىدىن 95 يىل ئۆتكەندىن كېيىن تۇنجى قېتىم ۋان كۆلىدىكى ئاقدامار چىركاۋىدا دىنىي مۇراسىم ئۆتكۈزۈلگەن ئىدى.
مۇناسىۋەتلىك خەۋەرلەر
تارىختىكى بۈگۈن: 31 – دېكابىر
ئىلكەر تاشقىن تەرىپىدىن تەييارلانغان «تارىختىكى بۈگۈن» ناملىق پىروگراممىمىز ھۇزۇرۇڭلاردا...