تارىختىكى بۈگۈن: 10.09.2019

بۈگۈن 2019 – يىلى 10 - سىنتەبىر.

1509 – يىلى 10 – سىنتەبىردە، تۈركىيە تارىخىغا «كىچىك قىيامەت» دەپمۇ قەيت قىلىنغان يەر تەۋرەش ئاپىتىدە، ئىستانبۇل ئەتراپىدا مىڭلىغان ئۆي ئۆرۈلۈپ چۈشكەن ۋە 10 مىڭدىن ئارتۇق كىشى ھاياتىدىن ئايرىلغان ئىدى.

1919 – يىلى 10 – سىنتەبىردە، 1 – دۇنيا ئۇرۇشىدىن كېيىن ئاۋستىرالىيە – ۋېنگىرىيە ئىمپېرىيەسىنىڭ پارچىلىنىشىغا سەۋەب بولغان سائىنت گېرمان كېلىشىمى تۈزۈلگەن ئىدى.

1942 – يىلى 10 – سىنتەبىردە ئەنگلىيە ھاۋا ئارمىيەسى گېرمانىيەنىڭ دۈسسېلدورف شەھىرىگە 100 مىڭ توننا بومبا تاشلىغان ۋە شەھەر خارابىلىققا ئايلىنىپ قالغان ئىدى.

1943 – يىلى 10 سىنتەبىردە، گېرمانىيە ئەسكەرلىرى ئىتالىيەنىڭ پايتەختى رىمنى ئىشغال قىلغان ئىدى.

1970 – يىلى 10 – سىنتەبىردە، ئامېرىكانىڭ تۈركىيەدە كەندىر تېرىشنى مەنئىي قىلىش قانۇن تەكلىپى بۈيۈك مىللەت مەجلىسى (پارلامېنتى) دا رەت قىلىنغان ئىدى. 

1987 – يىلى 10 – سىنتەبىردە ۋېنگىرىيەنىڭ چېگرانى ئېچىۋىتىشى بىلەن مىڭلىغان گېرمانىيە پۇقراسى ۋەتىنىگە قايتىشقا باشلىغان ئىدى.

2007 – يىلى 10 – سىنتەبىردە سۈرگۈندىن قايتىپ كەلگەن سابىق پاكىستان باش مىنىستىرى ناۋاز شەرىف يەنە قايتا چېگرادىن قوغلاپ چىقىرىلغان ئىدى.

2008 – يىلى 10 – سىنتەبىردە، ئىراننىڭ بەندەر ئابباس شەھىرىدە 7.5بال  يەر تەۋرەش ئاپىتى يۈز بەرگەن ئىدى.