تارىختىكى بۈگۈن: 03– سېنتەبىر

■ 1260 – يىلى  3 – سېنتەبىردە مەملۇكىيلار قوشۇنى ئەين جالۇتتا موڭغۇللارنى مەغلۇپ قىلىپ، ئۇلارنىڭ جەنۇبقا قاراپ ئىلگىرىلىشىگە توسالغۇ بولدى.

■ 1683 – يىلى  3 – سېنتەبىردە ئوسمانلى قوشۇنىنىڭ ئىككىنچى ۋىيېننا مۇھاسىرىسى مەغلۇبىيەتكە ئۇچرىدى؛ شۇنىڭ بىلەن ئوسمانلىلارنىڭ غەربكە كېڭىيىشى ئاخىرلاشتى.

■ 1780 – يىلى  3 – سېنتەبىردە ئەنگلىيە پارىژدا ئىمزالانغان كېلىشىمگە ئاساسەن ئامېرىكا قوشما ئىشتاتلىرىنىڭ مۇستەقىللىقىنى ئېتىراپ قىلدى.

■ 1878 – يىلى  3 – سېنتەبىردە ئەنگلىيەدىكى تامېس دەرياسىدا بىر يولۇچىلار پاراخوتى باشقا بىر پاراخوت بىلەن سوقۇلۇپ كېتىپ، 640 ئادەم قازا قىلدى.

■ 1939 – يىلى  3 – سېنتەبىردە گېرمانىيەنىڭ پولشاغا ھۇجۇم قىلىشىدىن كېيىن فىرانسىيە، ئەنگلىيە، يېڭى زېلاندىيە ۋە ئاۋسترالىيە گېرمانىيەگە قارشى ئۇرۇش ئېلان قىلدى.

■ 1962 – يىلى  3 – سېنتەبىردە ئىراننىڭ گازۋىن ئۆلكىسىدە يەر تەۋرەپ 12225 ئادەم ھاياتىدىن ئايرىلدى؛ 21 مىڭغا يېقىن ئۆي – ماكان تالاپەتكە ئۇچرىدى.

■ 1997 – يىلى  3 – سېنتەبىردە ۋىيېتنام ھاۋا يوللىرى شىركىتىنىڭ بىر يولۇچىلار ئايروپىلانى فنوم پېن ئايرودۇرۇمىغا يېقىن يەردە چۈشۈپ كېتىپ، 61 ئادەم جېنىدىن ئايرىلدى.

■ 2004 – يىلى  3 – سېنتەبىردە شىمالىي ئوسېتيەنىڭ بېسلان بازىرىدىكى بىر مەكتەپتە 3 كۈن داۋاملاشقان گۆرۈگە ئېلىۋېلىش كىرىزىسىغا رۇسىيە ئالاھىدە ھەرىكەت قىسىملىرى مۇداخىلە قىلدى؛ ئىككى تەرەپ ئوتتۇرىسىدىكى توقۇنۇشتا كۆپ سانلىقى ئوقۇغۇچى ۋە ئوقۇتقۇچىلار بولۇپ جەمئىي 376 ئادەم جېنىدىن ئايرىلدى، 800 ئادەم يارىلاندى.