تارىختىكى بۈگۈن: 30.03.2019

بۈگۈن 2019 – يىلى 30 – مارت

1842 – يىلى 30 - مارتتا دوكتور كىرىۋفورد لوڭ بىر ئوغۇچىسىنىڭ بوينىدىكى ئۆسمىنى ئېلىش ئۈچۈن ئوپېراتسىيەسىدە بىمارنى ئېفىرا ئارقىلىق ئۇخلىتىپ، تىبابەت تارىخىدا تۇنجى قېتىم مەس قىلىپ ئوپىراتسىيە قىلىش يىڭىلىقىنى ياراتقان ئىدى. 

1856 – يىلى 30 – مارتتا رۇسىيە ئىمپېرىيەسى، ئوسمانلى ئىمپېرىيەسى، ئەنگلىيە بىرلەشمە پادىشاھلىقى ۋە فىرانسىيە ئوتتۇرىسىدا پارىژ كېلىشىمى ئىمزالانغان ھەمدە بۇ كېلىشىم بىلەن قىرىم ئۇرۇشى ئاخىرىلاشقان ئىدى.

1863 – يىلى 30 – مارتتا ئاتا – ئاتىسى يوق ئۆسمۈرلەرنى ھەقسىز ياتاقلىق مەكتەپتە ئوقۇتۇشنى نىشان قىلغان تۈركىيەدە، مائارىپ ساھەسىدىكى تۇنجى ئاممىۋىي تەشكىلات ھېسابلىنىدىغان دارۇششەفەقە قۇرۇلغان ئىدى.

1867 – يىلى 30 – مارتتا، ئامېرىكىنىڭ يەر كۆلىمى ئەڭ چوڭ، بىراق نوپۇسى ئەڭ ئاز ئىشتاتى ئالاسكا، ئامېرىكا تاشقى ئىشلار مىنىستىرى ۋىليام ھ. سىۋارد تەرىپىدىن رۇسيە ئىمپېرىسيەدىن 7 مىليون 200 مىڭ دوللارغا سېتىۋىلىنغان ئىدى.

1908 – يىلى 30 - مارتتا باكۇ ۋە ئەتراپىدا سوۋىت ئىتتىپاقى ۋە ئەرمېنىيە ئىنقىلابچىلار فېدېراتسىيەسى قىسىملىرى ئوتتۇرىسىدا توقۇنۇش باشلانغان بولۇپ، «مارت ۋەقەسى» دەپ ئاتالغان بۇ توقۇنۇشلاردا نۇرغۇنلىغان پۇقرالار ئۆلتۈرۈلگەن ئىدى.

1956 – يىلى 30 – مارتتا تۈرك شائىر، يازغۇچى ۋە قانۇنشۇناس مىتھات جامال كۇنتاي ۋاپات بولغان ئىدى. ھۆرمەتلىك رادىيو ئاڭلىغۇچىلار! يۇقىرىدا تارىختىكى بۈگۈن ناملىق پىروگراممىمىزنى ئاڭلىدىڭلار.