түркийә командиси русийә командисини мәғлуб қилди
түркийә дөләтлик путбол командиси русийә командисини 2 гә қарши 3 нәтиҗә биләп йиңип, йавропа путбол федератсийәлири бирләшмиси (UEFA) үчинчи гуруппа бәшинчи мәйдан мусабиқидики тунҗи ғәлибисини қолға кәлтүрди.
түркийә авази радийоси хәвири: йавропа путбол федератсийәлири бирләшмисиниң түркийә-русийә мусабиқиси түнүгүн (2020-йили 15-нойабир) кәчтә үлкәр путбол мәйданида өткүзүлди.
мусабиқә башлинип 11 минут өткәндә, русийә командисиниң маһири черишев (Cheryshev) түркийә командисиниң варатасиға бир топ киргүзди. буниңға қарши түркийә командисиниң маһири кәнан караман 26 минут өткәндә, җәнгиз үндәр 32 минут өткәндә, русийә командисиниң варатасиға бирдин икки топ киргүзди. мусабиқә башлинип 51 минут өткәндә, русийә командисиға берилгән җаза топта, түркийә маһири җәң тосун бир топ киргүзди.
мусабиқә башлинип 57 минут өткәндә, русийә командиси бир топ киргүзгән болсиму, түркийә командисини йиңиш үчүн йетәрлик болмиди. нәтиҗидә, түркийә командиси 2 гә қарши 3 нәтиҗә билән, русийә командисидин үстүнлүккә еришти. түркийә командиси гурупписида номурини алтигә чиқарди вә биринчи болуш пурситигә йеқинлашти. русийә командиси сәккиз номурда қалди.
түркийә дөләтлик путбол командиси бу ғәлибиси билән русийәгә қарши аридин 36 йил өткәндин кейин тунҗи қетим йәңгән болди.
түркийә дөләтлик путбол командиси русийә командисини сабиқ совет иттипақи йимирилгәндин кейин, тунҗи қетим йәңгән иди.
