әркин ғәвваслиқ чимпейонлуқи каш наһийәсидә өткүзүлиду
әркин ғәвваслиқ чимпейонлуқи арқилиқ түркийәниң деңиз асти байлиқлирини хәлқаралиқ мунбәрләрдә тонитиш вә ғәвваслиқ сайаһәтчиликини тәшвиқ қилишниң мәқсәт қилинғанлиқи билдүрүлди.
түркийә авази радийоси хәвири: дунйа әркин ғәвваслиқ чимпейонлуқини талишиш мусабиқилири 2-9-өктәбир күнлири анталйаниң каш наһийәсидә өткүзүлиду.
түркийәлик әркин ғәввасчилиқ чимпейони шаһика әрҗүмән мусабиқигә измирдә тәййарлиқ қилмақта. у мусабиқидә шеһитләрни хатириләп, 100 метир чоңқурлуққа чөкидиғанлиқини билдүрди. у мундақ деди:
«түркийәниң деңиз асти наһайити гүзәл вә интайин қиммәтлик. кишиләр чәт әлләрдин су астиға чүшүш үчүн келиду.»
мусабиқигә 20 дөләттин кәлгән 150 маһир қатнишиду. әркин ғәвваслиқ мусабиқилириниң дунйадики әң йахши үчинчи ғәвваслиқ райони дәп көрситилгән кашта өткүзүлүши, түркийәни тонитиш нуқтисидин муһим әһмийәткә игә.
алтә қетим дунйа рекортини бузуп ташлиған тәнһәрикәтчи шаһика әрҗүмән кашта шеһитләрни хатириләш үчүн рекорт йаритишни нишан қилди. у: «бу йәрдә бир тиниқта 100 метир чоңқурлуққа чөкимиз. биз үчүн ейтқанда, маһарәт көрситиш вә еландин муһим болған қисми, рекортни шеһитләр үчүн бузуп ташлаш болғанлиқи» деди.
у 2014-йили кашта 72 метир су астиға чөкүп, дунйа рекортини бузуп ташлиған иди.
