рәқәмлик дәврниң кесәллики — фуббиң
«көзнәк» намлиқ сәһипимизниң бүгүнки санида, «рәқәмлик дәврниң кесәллики — фуббиң (Phubbing)» тоғрисидики учурларни диққтиңларға сунимиз!
рәқәмлик дәврниң кесәллики — фуббиң (Phubbing)
түркийә авази радийоси: «фуббиң»… һазирчә күндилик истемалимиздики сөзләрниң бир қисмиға айлиналмиған болсиму, мәйли һес қилған болайли йаки болмайли, у аллиқачан күндилик турмушимизниң бир қисмиға айлинип болди. келәйлуқ, әқлий иқтидарлиқ телефон хумариниң һайатимизға көрсәткән вә көрситидиған тәсирлири мәсилисигә...
* * * * *
йеқиндин буйан техникиға хумар болуш вә униң түрлири дәвримиз кишилириниң әң еғир мәсилилириниң бирини тәшкил қилмақта. дәслипидә асаслиқи интернет вә ойунға хумар болуп қелиш билән баш көтүргән бу һадисә, әқлий иқтидарлиқ телефонниң тәрәққий қилиши билән йеңичә түскә игә болди. әқлий иқтидарлиқ телефон хумариға инглизчидики «Phone (телефон)» вә «snubbing (нәзәрдин сақит қилиш, суйиестемал қилиш)» дегән сөзләрдин қисқартип йасалған «Phubbing—фуббиң» дегән сөз билән ениқлима берилди.
фоббиң ибариси асасән, әтрапидики кишиләр билән параңлишиветип йаки улар билән алақә қиливетип телефонлирини ойнашни ташлимайдиған кишиләр үчүн ишлитилиду.
америкада елип берилған бир тәтқиқатта көрситилишичә, тәтқиқатқа аваз қатнаштурғанларниң %98 и әмәлийәттә мушундақ әһвалларға дуч кәлгән. демәк, әгәр сиз өзиңизни бу кемидә йалғуз дәп ойлиған болсиңиз, хаталашқан болисиз.
фуббиң җәрйанида әң көп зийарәт қилинидиған иҗтимаий таратқу суписи тик ток болуп, униңдин қалса, нөвити билән истаграм, твиттер вә әң ахирида фәйсбук келидикән.
тәкшүрүш нәтиҗилири, қолимизниң даим телефон тәрәпкә кетип қалидиғанлиқини, һәтта, телевизор көрүватқанларниң 99% ниң охшаш вақитта телефон биләнму мәшғул болидиғанлиқини көрсәтмәктә؛ кишиләрниң %90 и мунтизм һалда һаҗәтханида телефон ишлитидикән, буларниң %75 и телефон диққитини чечивәткә, һаҗәтханида адәттикидин көп олтуридикән. ойғанғинимиздин тартип ухлиғучә болған пүтүн вақтимиз, башқичә ейтқанда, турмушимиз йанфонимиз билән өзара гирәлишип кәткән болуп, тәкшүрүш нәтиҗисидин айан болишичә, тәкшүрүшкә аваз қатнаштурғучиларниң %86 и ухлаштин бурун телефонини тәкшүридикән, %82 адәм ойғинипла дәрһал телефонға қарайдикән.
тәкшүрүш фуббиң һадисисиниң кишини һәйран қалдуридиған нәтиҗилирини, мәсилән, бир кишиниң телефонға кәлгән учурға қаримай туралайдиған оттуричә вақтиниң 64 минут икәнликини көрситип бәрди.
