истемалчи кимләрни көрситиду? һоқуқлири қайсилар?

түркийә авази радийоси: еһтийаҗини қандуруш үчүн؛ қанун даирисидики йемәк – ичмәк, кийим – кечәк, өй електир әшйалири, өй... қатарлиқ таварларға йаки маарип, мәдәнийәт, еликтир, су, телефон, тәбиий газ қатарлиқ хизмәтләргә еришкән, пайдиланған, ишләткән киши вә органлар истемалчи дәп атилиду. қанунларға асасланғанда, истемалчи болуш үчүн ситевелинған мал вәйаки хизмәттә сода мәқсити болмаслиқи лазим. сода йаки кәспий мәқсәт үчүн ситевелинған мәхсус йаки қануний орган вә кишиләр истемалчи һесабланмайду.
дунйадики нурғунлиған дөләтләрдикигә охшаш түркийәдиму, қанунда бу ениқлимида тилға елинған истемалчиларниң һәқ – һоқуқлири бәлгиләнгән вә қоғдаш астиға елинған. истемалчиларниң һәқ – һоқуқлири: муәййән һәқ төләп мал йаки мулазимәткә еришкәнләрниң, төлигинигә йариша һәққини елишни капаләткә игә қилиду. истемалчиларниң һәқ – һоқуқлири, истемалчи алмақчи болған мал вәйаки хизмәтни таллаш басқучидин ситевалғандин кейинки басқучларғичә бағлиниду.
сетивелинған мал йаки хизмәткә мунасивәтлик мәлуматқа еришиш һоқуқи, қайтуруш вә алмаштуруш һоқуқи, келишимгә капаләтлик қилиш вә буниңға охшайдиған қанунлар истемалчилар үчүн түзүлгән. истемалчи ситевалған мал йаки хизмәткә мунасивәтлик мәсилә чиққанда һәқ – һоқуқлирини билиши керәк. бу мәсилидә истемалчини мәлуматқа игә қилиш вә йардәм қилиш мәқситидә қурулған җәмийәт һәмдә вәқпиләр бар. бу органлар охшаш вақитта, буниңға охшайдиған мәсилилири болған истемалчиларни бир йәргә җәм қилип, һәқ – һоқуқлирини бирликтә қоғдишини әмәлгә ашурмақта. сетивелинған мал вә хизмәтләргә мунасивәтлик мәсилә чиққанда йаки пикир бериш вә әрз қилиш үчүн бу органларға илтимас қилишқа болиду.