қуйашта шиддәтлик партлаш йүз бәрди
йәр шари қуйаштики шиддәтлик партлаш сәвәбидин йеқинқи йиллардин буйанқи әң күчлүк гео магнит бориниға дуч кәлди.
түркийә авази радийоси хәвири: америка дөләтлик окйан вә атмосфера идариси (NOAA) қуйашта йүз бәргән партлаш тоғрисида байанат елан қилди.
байанатта, гео магнит борининиң електиронлуқ үскүниләрдә мәсилә пәйда қилидиғанлиқи вә җ п с (йәршари орун бәлгиләш системиси) (GPS) да мәсилә чиқиши мумкинлики тоғрисида агаһландурди.
бу хил боран адәттә қуйаштин йәр шариға топ һалда кәлгән зәрричиләрниң атмосфераға тәсир көрситиши нәтиҗисидә йүз бериду вә магнитлиқ боранни кәлтүрүп чиқириду.
бу қетимқи боран йәр шариниң 20 һәссисигә тәң келидиған бир қара дағдин кәлгән болуп, бир нәччә күн илгири қуйаштики партлаш, йәр шариға биваситә ғайәт чоң зәрричиләр топиниң еқишини кәлтүрүп чиқарған иди.
гео магнит боринини тәтқиқ қилған алимлар бу вәқәдин кейин, қуйаш борининиң йәр шариға соқулуши мумкинликини пәрәз қилған болсиму, боранниң бундақ күчлүк болидиғанлиқини пәрәз қилмиған иди.
астрономлар қуйаштики партлашларниң бир қанчә йил ичидә тәдриҗий көпийидиғанлиқини вә әң йуқири чәккә йетидиғанлиқини билдүрмәктә.
