تىكا رامىزانلىق ياردەم خىزمەتلىرىنى داۋاملاشتۇرماقتا

تۈركىيە ئاۋازى رادىيوسى خەۋىرى: تىكا ئاگېنتلىقنىڭ رامىزانلىق خىزمەتلىرى توغرىسىدا مەلۇمات ئېلان قىلدى.

قەيت قىلىنىشىچە، تىكا بوسنىيە-گېرتسېگوۋىنانىڭ ترېبىنژې شەھىرىدە ئىپتار پائالىيىتى  ئۆتكۈزگەن ۋە خەلق ئاممىسىغا يېمەك-ئىچمەك بولىقى تارقاتقان.

تىكا بىلەن پەلەستىن ئىجتىمائىي تەرەققىيات مىنىستىرلىقى قۇددۇس ۋىلايەتلىك ئىدارىسىنىڭ ھەمكارلىقىدا، قۇددۇس ۋە ئەتراپىدا ياشاۋاتقان 500 ئائىلىگە كۈندىلىك تۇرمۇش بۇيۇملىرى ھەمدە يېمەك-ئىچمەك بولىقى تارقىتىلغان.

مەلۇماتتا بىلدۈرۈلىشىچە، مولدوۋا پايتەختى كىشىنېۋدە تىكا تەرىپىدىن تەييارلانغان يېمەك-ئىچمەك بولاقلىرى دۆلەت مىقياسىدىكى 4 مىڭ ئائىلىگە تارقىتىپ بېرىلىدىكەن. بۇنىڭدىن باشقا يەنە، رامىزان بويىچە مولدوۋاغا قاراشلىق گاگاۋۇز ئاپتونوم رايونى ۋە مولدوۋانىڭ ئىككىنچى چوڭ شەھىرى بېلتس قاتارلىق شەھەرلەردە، 2500 ئائىلىگە يېمەك-ئىچمەك بولىقى تارقىتىلىدىكەن.