җумһур рәис әрдоған китаби русчиға тәрҗимә қилинди
җумһур рәис рәҗәп таййип әрдоғанниң русийәниң пайтәхти москвадики тарихий қизил мәйданда тонуштурулған «техиму адил дунйа қуруш мумкин» намлиқ китаби кишиләрниң диққитини қозғиди.
1994826
түркийә авази радийоси хәвири: җумһур рәис әрдоғанниң русчиға тәрҗимә қилинған китаби қизил мәйдандики 9 - нөвәтлик китаб фестивалида тунҗи қетим рус оқурмәнлиригә сунулди.
русийәликләр китаб көргәзмә қилинған боткиниң алдида үчрәт шәкилләндүрди.
җумһур рәис рәҗәп таййип әрдоғанниң «техиму адил дунйа қуруш мумкин» намлиқ китабниң 600 парчисиниң русийәниң алдинқи қатардики күтүпханилири, университетларниң сийасий пән вә хәлқара мунасивәт факултетлири, аммиви тәшкилатлар, тәтқиқат мәркәзлири вә университетларниң түркологийә кафедралириға әвәтилгәнлики билдүрүлди.
