германийә: ислам әлвәттә германийәгә тәвә
германийә ички ишлар министири нәнси файсер исламниң әлвәттә германийәгә тәвә икәнликини ейтти.
түркийә авази радийоси хәвири: файсер, германийәдә чиқидиған «‹Süddeutsche Zeitung› гезити» гә бәргән байанатида, германийәниң көчмәнләр дөлити икәнликини әскәртиш билән бир вақитта, әмгәк күчиниң көчмәнликни қолайлаштуруши керәкликини тәкитләп мундақ деди: «биз көчмәнләр дөлитимиз, ахирида бир гәвдиләшкән дөләт болушни халаймиз. германийә пуқралиқиға қобул қилған кишиләрни қарши алимиз. йәнә бир тәрәптин, германийәдә қалалмайдиғанларниң қайтип кетиши вә өз ихтийарлиқи билән айрилишини тезлитишни халаймиз. әмди биз инсанларниң деңизларда ғәрқ болушлириға сүкүт қилалмаймиз. шуңа биз қанунлуқ көчмәнләр йоллири бәрпа қилимиз. ислам әлвәттә германийәгә тәвә, дәрвәқә, ислам узун йиллардин буйан германийәдики мәдәнийәт һайатиниң бир қисми болуп кәлди.»
қобул қилинидиған көчмәнләр санини ениқ бекитиш мәсилиси тоғрилиқму тохталған файсер, германийәниң әмгәк күчи базири үчүнму кәң көләмлик көчмәнликкә еһтийаҗ барлиқи тәкитлиди, һәмдә оңчил ашқунлуққа қарши һәрикәт пилани түзгәнликлирини, бу пилан арқилиқ ашқунларниң дөләт мәмурлиқидин тезрәк сиқип чиқирилидиғанлиқини қәйт қилди.
