алтун учур - алақә мукапатиға еришти
фаһрәттин алтун «учур – алақә саһәсидики хизмәтлири билән йеңи бир дунйа қарашниң шәкиллинишигә қошқан төһпилири» сәвәблик «йилниң мунәввәр учур – алақә мукапати»ға лайиқ көрүлди.
түркийә авази радийоси хәвири: «учур – алақә мунәввәр мукапати»ға лайиқ көрүлгән җумһур рәислик мәһкимиси учур - алақә идариси башлиқи фаһрәттин алтун: «бу мукапатни елишимға әмгики сиңгән, кечә – күндүз демәстин хизмәт қилған барлиқ сәпдашлиримға рәһмәт ейтимән» деди.
фаһрәттин алтун «учур – алақә саһәсидики хизмәтлири билән йеңи бир дунйа қарашниң шәкиллинишигә қошқан төһпилири» сәвәблик «йилниң мунәввәр учур – алақә мукапати»ға лайиқ көрүлди. у мукапатини түнүгүн кәчтә пайтәхт әнқәрәдики җумһур рәислик мәһкимисидә өткүзүлгән анадолу нәшрийатчилар җәмийитиниң 6 – нөвәтлик анадолу медийа мукапатлири мурасимида җумһур рәис рәҗәп таййип әрдоғанниң қолидин алди.
фаһрәттин алтун иҗтимаий таратқудики адресида һәмбәһрилигән учурида анадолу нәшрийатчилар җәмийитигә миннәтдарлиқ билдүрүп: «учур – алақә саһәсидики хизмәтлиримиз йүзисидин бизгә бу мукапатни беришни лайиқ көргән анадолу нәшрийатчилар җәмийитигә рәһмәйт ейтимән. бу мукапатни җумһур рәисимизниң қолидин елиши бизни алаһидә иптихарландурди. бу мукапатни елишимға әмгики сиңгән, кечә – күндүз демәстин хизмәт қилған барлиқ сәпдашлиримға рәһмәт ейтимән. барлиқ сәпдашлирим билән бирликтә һөрмәтлик җумһур рәисимизниң ирадиси вә дунйа қаришини бойлап пүтүн күчимиз билән тиришчанлиқ көрситишни давамлаштуримиз» дегәнләрни қәйт қилди.
