афринда анадолу мәдәнийәт мәркизи ечилди
булбулзадә фонди җәмийити билән чәт әлдики түркләр вә туғқан хәлқләр идариси — YTB өзара һәмкарлишип сүрийәниң шималидики африн наһийәсидә анадолу мәдәнийәт мәркизи ачти.
түркийә авази радийоси хәвири: түркийә армийәсиниң зәйтун шехи һәрбий һәрикити арқилиқ (2018 – йили йанвар – март айлири арилиқида) террорчилардин халийлаштурулған африндики анадолу мәдәнийәт мәркизини хизмәткә кириштүрүш үчүн ечилиш мурасими өткүзүлди.
булбулзадә фонди җәмийитиниң рәиси тургай әлдәмир, YTB вә аммиви тәшкилатларниң вәкиллири вә районниң пишқәдәмлири ечилишқа қатнашти.
хизмәткә кириштүрүлгән анадолу мәдәнийәт мәркизидә маарип, мәдәнийәт, сәнәт паалийәтлири елип берилиду, тил, һөснхәт, музика вә кәсипләр бойичә тәрбийәләш курслири ечилиду.
африн анадолу мәдәнийәт мәркизиниң башлиқи мәлиһ ай бу йәрдә 300 дәк оқуғучиниң тәрбийилинидиғанлиқини билдүрүп: «хатирҗәмлик бәрпа қилинған районларда мәдәнийәт мәркәзлирини ечишни давамлаштуримиз. 2020- йили 17- сентәбирдә азәздиму бир мәдәнийәт мәркизи ечилди.» деди.
