музика арқилиқ давалаш усули тоғрисида

музика арқилиқ давалаш усулиниң тебабәт билән охшаш узун тарихқа игә икәнликини, оттура асийада, кейинчә анадолуда бәрпа қилинған көплигән мәдәнийәтләрниң бу хил давалаш усулидин пайдиланғанлиқини аңлиғанмидиңиз?

қәдимки гирек күлтүридә музика һәртүрлүк пәзиләтниң мәнбәси, дәп қарилатти вә роһни тәрбийәләш, паклашта униңдин пайдилинилатти. түркләрдә болса, оттура асийада һәрхил кесәлликләр бахши (бакси) дәп атилидиған шаман музикантлар тәрипидин давалинатти.

түрк – ислам дунйасидики музика билән давалаш хизмәтлири, болупму дохтурханиларда музикиға тайинип давалаш усуллириниң тәтбиқлиниши 9 – әсирдә башлиған болуп, вақитниң өтүшигә әгишип тәрәққий қилған. ғәрбтә роһий кесәлликләр кесәллик дәп қобул қилинмай, әксичә қийин – қистаққа елинидиған оттура әсирдә түркләр уларни кесәл дәп қобул қилған؛ роһ сағламлиқиға, роһий кесәлликләргә вә уларни давамлашқа алаһидә әһмийәт бәргән. ибни сина нерва бимарлирини музика арқилиқ давалаш усулидин пайдиланған, бу хил давалаш усуллири османли дәвридиму давамлашқан.

музика билән давалаш усули дәвримиздиму бир хил давалаш методи болушни давамлаштурмақта. чүшкүнлүк, бесим, нервиси чечилиш, әндикиш, уйқусизлиқ, баш, бойун, москул ағриқлири, шекәр кесили... дегәндәк кесәлликләрни давалашта музикидин қошумчә давалаш методи сүпитидә пайдилинилмақта.

мәнбә: мунасивәтлик тор бәтләр