малайшийада мәктәпләр һава булғиниши сәвәбидин дәм елишқа қойуп берилди
малайшийа маарип министирлиқи һава булғиниши саламәтликкә зийанлиқ сәвийәгә йәткәнлики сәвәбидин мәктәпләрниң дәм елишқа қойуп берилгәнликини уқтурди.
түркийә авази радийоси хәвири: малайшийаниң җәнубий билән һиндонезийәниң суматра вә калимантан араллириниң шималида чиққан дала от апитидин пәйда болған туман вә һава булғиниши сәвәбидин, төт райондики барлиқ мәктәпләр икки күн дәм елишқа қойуп берилди.
малайшийа маарип министирлиқи һава булғиниши индексиниң «саламәтликкә зийанлиқ» сәвийәсигә чиққанлиқи сәвәбидин, пайтәхт куалалумпур, путраҗайа, селангор вә пенаң иштатлиридики җәмий 1658 мәктәпниң бүгүн (19-сентәбир) дин башлап икки күн дәм елишқа қойуп берилгәнликини уқтурди.
малайшийада түнүгүн (18-сентәбир) һава булғиниши сәвәбидин 553 мәктәптә дәрс оқулмиған иди.
малайшийаниң ипоһ шәһиридә көк йүзини қаплиған туман сәвәбидин айродурумға қонмақчи болған бәзи айропиланлар йөнүлүшини өзгәртишкә мәҗбур болди. айродурумдики 1418 йолучи тәсиргә учриди.
