вашингтондики бир кочиға җәмал қашиқчиниң нами берилди
америкада сәуди әрәбистан әлчиханиси җайлашқан кочиға, истанбулдики сәуди әрәбистан консулханисида өлтүрүлгән журналист җәмал қашиқчиниң исмини бериш, мәһәллә мәслиһәт комитетида өткүзүлгән аваз ташлашта қобул қилинди.
түркийә авази радийоси хәвири: америкада сәуди әрәбистан әлчиханиси җайлашқан кочиға, истанбулдики сәуди әрәбистан консулханисида өлтүрүлгән журналист җәмал қашиқчиниң исмини бериш, мәһәллә мәслиһәт комитетида өткүзүлгән аваз ташлашта қобул қилинди.
америка таратқулиридики хәвәрләрдә көрситилишичә, мәһәллә мәслиһәт комитети сәуди әрәбистанниң вашингтондики әлчиханиси җайлашқан нийу хампшайр кочисиниң бир қисмини «җәмал қашиқчи кочиси» дәп өзгәртишни қобул қилған.
комитет буни сәудийларға һәр күни қашиқчи җинайитини қобул қилғили болмайдиғанлиқини хатирилитиш мәқситидә әмәлгә ашурғанлиқини әскәрткән.
билдүрүлишичә, бу өзгәртишниң рәсмийлишиши үчүн вашингтон д. с кеңишиниң тәстиқлиши керәк икән.
сәуди әрәбистанлиқ журналист җәмал қашиқчи 2-өктәбир той рәсмийәтлирини беҗириш үчүн истанбулдики сәуди әрәбистан консулханисиға барғинида вәшийләрчә өлтүрүлгән иди.
