т р т ворлд адәм бәдән әзалири содисини ашкарилиди
т р т ворлд (TRT World) қанилида қойулған «Off the Grid» намлиқ қисимлиқ һөҗҗәтлик филимниң «сүрийә йолидики җимҗит өлүм» дегән бөлүми, оттура шәрқтә ашкариланған қанунсиз вә инсанийәткә хилап адәм бәдән әзалири содисини паш қилиду.
түркийә авази радийоси хәвири: т р т ворлд қанилиниң ахбарат ишханиси адәм бәдән әзалири содиси һәққидә ишләнгән һөҗҗәтлик филим тоғрисида йазма байанат елан қилди. мәлуматларға асасланғанда, «Off the Grid» намлиқ һөҗҗәтлик филим, дунйаниң һәр қайси җайлирида турмуш қийинчилиқлири астида изилгән бичарә кишиләрниң һекайилирини давамлиқ екранда көрстидикән. филимниң «сүрийә йолидики җимҗит өлүм» дегән адәм бәдән әзалири әткәсчилики паш қилинған бөлүми 11-нойабир (шәнбә) әнқәрә вақти 12:15 тә т р т ворлд қанилида қойулидикән.
филимниң режиссори, әрәб дунйасида тонулған журналистлиридин муһсин әннаими вә т р т ворлд қанилиниң филим ишлигүчилиридин александира павлийатниң узун вақиттин буйан бирликтә һәмкарлишип ишлиши нәтиҗисидә оттуриға чиққан бу һөҗҗәтлик филимдә, сүрийәлик мусапирларниң ливандики күндин-күнгә еғирлишиватқан турмуш әһвалиму екранда әкс етиду.
