бу кечә мусулманлар бәраат қандилини күтүвалиду
мәмәт гөрмәз, «бу кечә, мәвҗутлиқимизни қайтидин көздин кәчүрүш, өз - өзимиздин һесаб елиш вә тәпәккүргә шуңғуш имканийәтлири сунидиған есил пурсәттур» деди.
түркийә авази радийоси хәвири: ислам етиқадиға көрә «бәраат»ниң мәниси, гунаһлардин паклиниш, ақлиниш, аллаһниң әпу – мәғпиритигә сазавәр болуш дегәнни билдүрди.
шабан ейиниң 15 кечисигә тоғра келидиған бәраат қандили, түркийә миқйасидики барлиқ җамәләрдә алаһидә пирограммилар билән тәбриклиниду.
түркийә дини ишлар башқармиси башлиқи мәмәт гөрмәз, рамизан ейиниң хәвәрчиси болған бәраат қандили мунасивити билән мәхсус байанат елан қилди.
мәмәт гөрмәз байанатида, «инсанларға нисбәтән һесаблишиш бекәтлиридин бирси һесаблинидиған бу хил рәһмәтлик кечиләр, мәвҗутлиқимизни қайтидин көздин кәчүрүш, өз - өзимиздин һесаб елиш вә тәпәккүргә шуңғуш имканийәтлири сунидиған есил пурсәтләрдур. бу кечидә һәр бир мөмин йаманлиқ билән өзи оттурисидики мусапиләрни өлчәп көриши, йаманлиққа маңидиған йолларниң һәммини етиветиш үчүн йәнә бир қетим қәтий қарарға келиши лазим» деди.
