ئىسرائىلىيە دۆلەت بىخەتەرلىك مىنىستىرىنىڭ قوۋۇرغىلىرى سۇنۇپ، بەدىنى كۆكىرىپ كەتتى
ئىسرائىلىيەدە قىزىل چىراغقا رىئايە قىلماي، قاتناش ۋەقەسىگە ئۇچرىغان ئىسرائىلىيە دۆلەت بىخەتەرلىك مىنىستىرى ئىتامار بېن-گۋىرنىڭ قوۋۇرغىلىرىنىڭ سۇنغانلىقى ۋە بەدىنىنىڭ ئېغىر جاراھەتلىنىپ، كۆكىرىپ كەتكەنلىكى ئېلان قىلىندى.
تۈركىيە ئاۋازى رادىيوسى خەۋىرى: قاتناش ۋەقەسىگە ئۇچراپ خاداسساھ دوختۇرخانىسىدا بالنىستقا ئېلىنغان دۆلەت بىخەتەرلىك مىنىستىرى بېن گۋىرنىڭ ئەھۋالىنىڭ ياخشى ئىكەنلىكى، ئەمما قوۋۇرغىلىرىنىڭ سۇنۇپ كەتكەنلىكى ئۇقتۇرۇلدى.
بېن- گۋىرنىڭ بەدىنىنىڭ ئېغىر جاراھەتلىنىپ كۆكىرىپ كەتكەنلىكى، ئوخشاش ۋەقەدە يارىلانغان بىر قىزنىڭ بولسا، بالنېستتىن چىققانلىقى بىلدۈرۈلدى.
بېن-گۋىرنى ئېلىپ ماڭغان خىزمەت ئاپتوموبىلى جۈمە كۈنى (26-ئاپرېل) راملە شەھىرىدە قىزىل چىراغقا رىئايە قىلماي، قاتناش ۋەقەسىگە ئۇچرىغان ئىدى.
«پەلەستىنلىكلەرگە ئۆلۈم» دېگەن تەلىپى بىلەن تونۇلغان مىنىستىر بېن- گۋىر ئۆتكەن يىلىمۇ(2023) ئاپتوموبىلى قىزىل چىراققا رىئايە قىلماي، قاتناش ھادىسىسىگە ئۇچرىغان ئىدى.
ئىسرائىلىيە تاراتقۇلىرى بېن-گۋىرنىڭ شوپۇرىغا قاتناش قائىدىسىگە بويسۇنماسلىقنى جېكىلىگەنلىكىنى خەۋەر قىلدى.
مۇناسىۋەتلىك خەۋەرلەر
ئامېرىكا ئۇكرائىناغا 2 مىليارد دوللار ياردەم بېرىدۇ
ئامېرىكا قوشما ئىشتاتلىرى ئۇكرائىناغا 2 مىليارد دوللار ياردەم بېرىدۇ.
ئافغانىستاندا ھەربىي تىك ئۇچار چۈشۈپ كەتتى
ئافغانىستاننىڭ غور ۋىلايىتىدە بىر ھەربىي تىك ئۇچار ئايروپىلان دەريا قىرغىقىغا چۈشۈپ كەتتى.
