ئامېرىكا ئۇكرائىناغا 2 مىليارد دوللار ياردەم بېرىدۇ

تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرى تاشقى ئىشلار مىنىستىرى ئانتونىي بلىنكېن، ۋاشىنگتوننىڭ ئۇكرائىناغا 2 مىليارد دوللارلىق ئوتتۇرا ۋە ئۇزۇن مۇددەتلىك چەت ئەل ھەربىي ياردەم بېرىش پىلانىنى تەستىقلىغانلىقىنى ئېلان قىلدى.

ئۇكرائىنادا دۆلەت ئىشلىرى زىيارىتىدە بولغان مىنىستىر ئانتونىي بلىنكېن، ئىككى دۆلەتنىڭ بىخەتەرلىك كېلىشىمى تۈزۈش ئۈستىدە ئىزدىنىۋاتقانلىقىنى، بۇ كېلىشىمنىڭ «ناھايىتى قىسقا ۋاقىت ئىچىدە» تاماملىنىدىغانلىقىنى تەكىتلىدى.