исираилийә армийәси ғәззәдә урушни давамлаштуруш пиланини тәстиқлиди
исираилийә армийәси иштаб башлиқи херзи халевиниң ғәззәдики урушни давамлаштуруш пиланини тәстиқлиғанлиқини елан қилди.
түркийә авази радийоси хәвири: исираилийә армийәсиниң екс (X) бетидә, ғәззәдики урушни давамлаштуруш пиланиниң тәстиқланғанлиқи тоғрисида йазма байанат елан қилинди.
байанатта, халевиниң исираилийә җәнубий һәрбий райониниң қомандани йарон финкелман вә бәзи қоманданлар билән көрүшүп, ғәззәдики урушни давамлаштуруш пиланини тәстиқлиғанлиқи қәйт қилинди.
исираилийәниң «валла» (Walla) тор бетиниң хәвиридиму армийә иштаб башлиқиниң рәфаһни ишғал қилиш һәрбий һәрикитигә мунасивәтлик пиланларни тәстиқлиғанлиқи билдүрүлди.
исираилийә ашқун оңчи малийә министири безалел смотрич түнүгүн (28-апрел) нетанйаһу башчилиқидики һөкүмәтниң рәфаһни шиғал қилалмиған әһвалда мәвҗут болуп турушиниң мумкин әмәсликини ейтқан иди.
исираилийә һөкүмити һамас билән әсир алмаштуруш музакирәлиригә «ахирқи пурсәт» ни беришкә тәййар икәнликини, әмма илгириләш көрүлмигән әһвалда рәфаһқа қуруқлуқ һәрикитиниң башлинидиғанлиқи тоғрисидики учурни мисирниң мунасивәтлик даирилиригә йәткүзгән иди.
