مىچوتاكس ياۋروپا ئىتتىپاقىنىڭ تۈركىيە قارارلىرىدىن مەمنۇن ئىكەنلىكىنى بىلدۈردى

تۈركىيە ئاۋازى رادىيوسى خەۋىرى: گىرېتسىيە باش مىنىستىرى كېرىياكوس مىچوتاكىس ياۋروپا ئىتتىپاقىنىڭ ھازىرغىچە چىقارغان تۈركىيە بىلەن بولغان مۇناسىۋەتلەرگە ئالاقىدار قارارلىرىدىن مەمنۇن ئىكەنلىكىنى بىلدۈرۈپ: «بۇ قارارلار ياۋروپا-تۈركىيە مۇناسىۋىتىدە ئىلگىرىلەش ھاسىل قىلغىلى بولىدىغانلىقىدىن ئىبارەت رېئاللىقنى ئوتتۇرىغا قويىدۇ» دېدى.

گىرېتسىيە باش مىنىستىرى مىچوتاكىس بېلگىيەنىڭ پايتەختى بىريۇسسېلدا ئۆتكۈزۈلگەن ياۋروپا ئىتتىپاقى باشلىقلار يىغىنىغا كىرىپ كىتېۋېتىپ بەرگەن باياناتىدا، يىغىندا ياۋروپا ئىتتىپاقى-تۈركىيە مۇناسىۋىتى ۋە ياۋروپا ئىتتىپاقى كومىتېتى تەييارلىغان ئىلگىرىلەش دوكلاتىنىڭمۇ مۇزاكىرە قىلىنىدىغانلىقىنى ئەسكەرتىپ: «مەن ھازىرغىچە چىقىرىلغان قارارلاردىن رازى. بۇ قارارلار ياۋروپا-تۈركىيە مۇناسىۋىتىدە ئىلگىرىلەش ھاسىل قىلغىلى بولىدىغانلىقىدىن ئىبارەت رېئاللىقنى ئوتتۇرىغا قويىدۇ»  دېگەنلەرنى قەيت قىلدى.

ياۋروپا-تۈركىيە مۇناسىۋىتىنىڭ قىبرىس مەسىلىسىدىكى تەرەققىياتقا ئاساسەن ئىلگىرىلىيەلەيدىغانلىقىنى ئىلگىرى سۈرگەن مىچوتاكس، بىرلەشكەن دۆلەتلەر تەشكىلاتى (ب د ت) نىڭ قىبرىس مەسىلىسىدىكى يېڭى ۋەكىلىنىڭ مەسىلىسىنى ھەل قىلىش تىرىشچانلىقىنىڭ مېۋە بېرىشىدىن ئۈمىد بارلىقىنى ئەسكەرتتى.