макрон: русийә урушта ғәлибә қилса, йавропаниң инавити нөлгә чүшүп қалиду
фирансийә пирезиденти еммануел макрон: «әгәр русийә украинадики урушта ғәлибә қилса, йавропаниң инавити нөлгә чүшүп қалиду» деди.
түркийә авази радийоси хәвири: фиранс 2 вә TF1 қаналлириниң бирләшмә тарқитишиға қатнашқан фирансийә пирезиденти еммануел макрон, урушниң йавропа земинида давам қиливатқанлиқини оттуриға қойуп: «истрасбург билән ливив оттурисидики мусапә 1500 километирғиму йәтмәйду. әгәр русийә урушта ғәлибә қилса, йавропаниң инавити нөлгә чүшүп қалиду» деди.
әгәр москва һөкүмити урушта ғәлибә қилип қалса, өзлириниң бихәтәр болмайдиғанлиқини вә йавропаниң урушқа тәййар туруши керәкликини оттуриға қойған фирансийә пирезиденти макрон: «бизниң бирла нишанимиз бар؛ русийә урушта ғәлибә қилалмайду вә ғәлибә қилмаслиқи керәк» деди.
2022-йилдин башлап русийә билән уруш қиливатқан украинаға әскәр әвәтиш тоғрисида тохталған макрон: «бу таллашларниң һәммиси мумкин؛ буниң бирдинбир җавабкари москва һакимийити болиду» дегәнләрни қәйт қилди.
фирансийәниң йадро қораллириниң фирансийәликләрниң бихәтәрликигә капаләтлик қилғанлиқини илгири сүргән макрон, русийәниң украина билән болған урушта ғәлибә қилишиниң фирансийәликләрниң турмушиниң өзгиридиғанлиқидин дерәк беридиғанлиқини әскәртти.
