путин: русийә айропилани «вәтәнпәрвәр» намлиқ башқурулидиған бомба билән чүшүрүветилди
русийә пирезиденти владимир путин 65 украиналиқ әсирни өз ичигә алған 74 киши олтурған айропиланниң, американиң «вәтәнпәрвәр» намлиқ башқурулидиған бомбиси билән етип чүшүрүлгәнликини ейтти.
түркийә авази радийоси хәвири: владимир путин мартта (2024) өткүзүлидиған пирезидентлиқ сайлиминиң тәййарлиқлири үчүн москвадики «гостиний двор» бинасида сайлам мәсуллири билән көрүшти.
у бу йәрдә қилған сөзидә, өткән һәптә 65 украиналиқ әсирни өз ичигә алған 74 киши олтурған русийәниң «İl-76» типлиқ айропиланниң етип чүшүрүлгәнлики үстидә тохталди.
у мундақ деди:
«айропилан американиң <вәтәнпәрвәр> намлиқ башқурулидиған бомбиси билән етип чүшүрүлди. бу ениқланди. айропиланни чүшүрүвәткән башқурулидиған бомба, украина һөкүмити контрол қиливатқан җайдин етилди.»
у украинаниң айропиланни етип чүшүрүветиш билән «җинайәт» өткүзгәнликини тәкитләп, ғәрбниң мәзкур вәқәниң үстини йепишқа урунуватқанлиқини, вәқәни хәлқаралиқ тәкшүрүш керәкликини әскәртти.
