baydin nétanyahu we sisi bilen téléfonlashti
amérika qoshma ishtatliri pirézidénti jo baydin israiliye bash ministiri bényamin nétanyahu we misir pirézidénti abdulfettah essisi bilen téléfonda körüshti.
türkiye awazi radiyosi xewiri: aqsarayning bayanatigha qarighanda, amérika qoshma ishtatliri pirézidénti jo baydin israiliye bash ministiri bényamin nétanyahu bilen élip barghan téléfon söhbitide, israiliye bilen hamas otturisidiki esir almashturush kélishimidin xursen ikenlikini bildürgen. shundaqla ghezzeni insanperwerlik yardem buyumliri bilen teminlesh we iyordan deryasining gherbiy qirghiqida tinchliqni saqlashning muhimliqini tekitligen.
baydin misir pirézidénti abdulfettah essisi bilen élip barghan téléfon söhbitide, misirning esir almashturush kélishimi hasil qilish yolida körsetken tirishchanliqlirigha rehmet éytqan.
pirézidént baydin amérika qoshma ishtatlirining pelestinliklerning ghezze yaki iyordan deryasining gherbiy qirghiqidin mejburiy chiqirilishigha qetiy yol qoymaydighanliqini bayan qilghan, hemde ghezzening qorshaw astigha élinishi yaki ghezze chégrasini qaytidin sizishqa yol qoymaydighanliqlirini qeyt qilghan.
ikki rehber yene, ghezzeni téximu köp insanperwerlik yardem buyumliri bilen teminlesh mesiliside birdeklik hasil qilghan.
