dunya sehiye teshkilati: «kowid – 19» yuqumi netijiside ömür qisqardi
dunya sehiye teshkilati «kowid – 19» yuqumi netijiside dunya miqyasida yashash mudditining texminen 2 yil qisqarghanliqini bildürdi.
türkiye awazi radiyosi xewiri: dunya sehiye teshkilatining tor bétide élan qilinghan bayanatta körsitilishiche, «kowid – 19» yuqumi otturigha chiqishtin burun, dunya miqyasida otturiche uzun ömür körüshke munasiwetlik xushallinarliq ehwallar körülgen, emma kowid – 19» yuqumi otturigha chiqqandin kéyin, yashash mudditide qisqirash körülgen.
2019 – 2021 – yilliri «kowid – 19» yuqumi sewebidin insanlarning otturiche ömri 1.8 yash qisqirap, ottura hésab bilen 71.4 yashqa chüshüp qalghan.
dunya sehiye teshkilati bash dériktori tédros adanom gébréyus, bu heqte élan qilghan bayanatida, mundaq dédi:
«‹kowid – 19› yuqumi qisqighina 2 yil ichide 10 yilliq uzun ömürni qisqartiwetti. kelgüsi ewladlarni qoghdash üchün herqaysi döletler yer shari xaraktérlik yuqum kélishimi tüzüsh mesiliside birdeklik hasil qilishi kérek.»
dunya sehiye teshkilatining «dunyaning 2024 - yilliq sehiye sahesidiki ehwaligha nezer» namliq istatistikiliq doklatigha qarighanda, amérika qitesi bilen sherqiy jenubiy asiya döletliri «kowid – 19» yuqumining eng köp tesirige uchrighan. 2020 – 2021 – yilliri amérika qiteside «kowid – 19» yuqumi sewebidin eng köp ölüm hadisiliri körülgen. gherbiy tinch okyan döletliri «kowid – 19» yuqumi otturigha chiqqan aldinqi ikki yilda wirusning tesirige eng az uchrighan.
