«йавропа чегра линийәлирини техиму йахши қоғдиши керәк»
фирансийә пирезиденти еммануел макрон йавропаниң чегра линийәлирини техиму йахши қоғдиши керәкликини билдүрди.
түркийә авази радийоси хәвири: макрон семур ен аксос йезисида хизмәтләрни көздин кәчүргәндә бәргән байанатида, йеқинқи күнләрдә ақдеңизда көчмәнләр еқиниға дуч келиватқан италийәниң лампедуса арилиниң вәзийити һәққидә тохталди.
макрон көчмәнләр мәсилисиниң барлиқ йавропалиқларға тәсир көрситиватқанлиқини, бундақ әһвалларда инсанпәрвәрлик усулини қоллиниш керәкликини, чүнки көчмәнләрниң хәтәргә өзлирини етиш арқилиқ ақдеңиздин йавропа земинлириға киргәнликини әскәртти.
у италийәни қоллашниң пүткүл йавропа иттипақиниң мәҗбурийити икәнликини тәкитләп мундақ деди: «йавропа чегра линийәлирини техиму йахши қоғдиши керәк.»
макрон фирансийә ички ишлар министири гералд дарманинниң италийә ички ишлар министири маттео пиантедоси билән лампедуса арилиниң вәзийити һәққидә музакирә елип барғанлиқини, фирансийә вә италийә һөкүмәтлириниң бу мәсилә үстидә хизмәт ишләватқанлиқини, йеқинда бу һәқтә қарар чиқиридиғанлиқини байан қилди.
