америка мәтбуатлирида һавайдики «мөҗизә өй» зор қизиқиш қозғиди
американиң һавай иштатида нурғун биналарниң көйүп пүтүнләй күлгә айлинишға сәвәб болған от апитидә бирдинбир аман қалған «мөҗизә өй» һәмминиң диққитини тартти.
түркийә авази радйоси хәвири: һавайда 9-авғуст (2023) тин буйан давамлишиватқан от апитидә 114 киши қаза қилип, 2700 дин артуқ бина зийанға учриди йаки пүтүнләй көйүп күлгә айланди.
маву арилидики күлгә айланған йезилардин бирси болған лахайнадики бир өй кишиләрниң диққитини тартти. чүнки бу өй деңиз қирғиқида сақ қалған бирдинбир бинаға айланған иди.
өйниң хоҗайини әр-айал миликкин әслидә пүтүнләй йағачтин йасалған өйидә бир қисим өзгәртишләрни қилғанлиқини билдүрди.
әр-айал өйниң өгзисигә метал материйал қошқанлиқини, зийандаш һашарәтләргә қарши өйниң әтрапидики от-чөпләрни кесип ташлиғанлиқини һәмдә йәнә өйниң әтрапиға таш йатқузғанлиқини билдүрди.
дәсләптә оттин мудапиәлинишни көздә тутуп елип берилмиған бу өзгәртишләр, кейин бинаниң оттин сақлинишиға капаләтлик қилди.
йәрлик аһалиләр, әр-айал миликкинниң өйигә «мөҗизә өй» дәп нам қойди.
